तामाङ समुदायले विभिन्न कार्यक्रम गर्दै यसरी मनाइयो सोनाम ल्होसार (फोटोफिचर)

छाल खवर

धरान , ८ माघ । तामाङ समुदायले विभिन्न कार्यक्रमको आयोजना गरी आइतबार सोनाम ल्होसार पर्व मनाएका छन् । तामाङ समुदायको नयाँ बर्ष २८५९ औं सोनाम ल्होसारको अवसर पारेर धरानमा पनि धुमधामले मनाइएको हो ।

नेपाल तामाङ घेदुङ नगर कार्यसमिति धरानको आयोजनामा धरान ८ स्थित कार्यालयकाे परिसरमा विविध कार्यक्रम गरि सोनाम ल्होसार मनाइएको हो । नगर अध्यक्ष यामबहादुर गोले तामाङको अध्यक्षतामा भएको कार्यक्रममा प्रमुख अतिथि मेयर हर्क साम्पाङ, बिशेष अतिथि उपमेयर अइन्द्रबिक्रम बेघा रहेका थिए ।

हिजोदेखि गाई वर्ष पूरा गरी बाघ वर्ष सुरु भएको छ । हरेक वर्ष माघ शुक्ल प्रतिपदाका दिन सोनाम ल्होसार मनाउने गरिन्छ ।