अव्यवस्थित पार्किङ व्यवस्थापन गर्दै ९ नम्बर वडा

छाल खबर 

धरान । धरान ९ आचार्य लाईन स्थित बजारमा बढ्दो ट्राफिक जामलाई व्यवस्थापन गर्नको लागि एक तर्फि नो पार्किङ सुरु गरिएको छ ।

जिल्ला ट्राफिक प्रहरी कार्यालय सुनसरी धरानका ईन्चार्ज स्याम कुमार बस्नेत , धरान उपमहानगरपालिका बजार ब्यवस्थापनका अधिकृत बेद प्रकाश सापकोटा, धरान उपमहानगरपालिका का नगर प्रहरी ईन्चार्ज, ९ न वडाका जनप्रतिनिधि सहितको राेहबरमा शुक्रबार देखि आचार्य लाईनमा एकतर्फी पार्किङ शुरु गरिएको ९ नं वडाका वडाध्यक्ष रुपेश आचार्यले जानकारी दिनु भयो ।

उनका अनुसार नियममा दुवै तर्फ पार्किङ गर्न नपाईने भएपनि वडा प्रहरी कार्यलयबाट खहरे पुल सम्म एक तर्फि नाे पार्किङ (दाया तर्फ) भएको जानकारी दिनुभएको छ ।

दुई पांग्रे , तीन पांग्रे र चार पांग्रे सवारी साधनहरुले सानो बाटोमा सडकको दुवै तर्फ जथाभावि पार्किङ्ग गर्द सडक जाम बढ्दै गएकाले व्यवस्थापनको लागि सडकमा नो पार्किङ्गको बोर्ड राखिएको छ । बजारलाई सुन्दर बनाउने र पैदल यात्रीहरुलाई यात्रामा सहज हुने हेतुले नो पार्किङ बोर्ड राख्न थालिएको समेत अध्यक्ष आचार्यले बताउनु भयो ।- सन्देश  तिमल्सिना