बुढासुब्बा गोल्डकपको प्रर्वद्धन गर्न मैत्रीपुर्ण फुटबल

छाल खवर
धरान,१७ माघ ःअन्तर्राष्ट्रिय स्तरको फुटवल प्रतियोगिता आयोजना गर्दै आएको धरान फुटबल क्लबले बुढासुब्बा गोल्डकपको प्रर्वद्धन गर्न सोमवार मैत्रीपुर्ण फुटबल आयोजना गरेको छ ।

फागुन १३ गतेदेखि हुन लागेको २३ औं टुबोर्ग बुढासुब्बा गोल्डकपको प्रर्वद्धनको लागी उक्त मैत्रीपुर्ण खेल गरिएको हो ।

नगर प्रमुख हर्कराज राईको कप्तानीमा उपमहानगरपालिकाको टोली र किशोर राईको कप्तानीमा पुर्वराष्ट्रिय खेलाडीहरु सम्मिलित टोलीबीच खेल भएको सो खेल धरान–१६ स्थित रंगशालामा भएको थियो ।

खेलमा आयोजक धरान फुटवल क्लवको टिमलाई २–० को अन्तरले गोलगरी उपमहानगरपालिकाको टोली २–० विजयी बनेका थियो । उपमहानगरका तर्फबाट वडा नं १० का अध्यक्ष विवेक राई र मेयरका स्वकिय सचिव सुर्दशन लिम्बुले गोल गरेका थिए ।

गत वर्ष ९ लाख रुपैया अनुदान दिदै आएको धरान उपमहानगरपालिकाले बुढासुब्बा गोल्डकपको २३ औं सँस्करणको लागी नगरसभाबाट रकमान्तर गरेर ३ लाख थप गरि १२ लाख अनुदान पाएको छ।

कोरोनाको कारण दुइवर्ष हुन नसकेको वुढासुव्वा गोल्डकप यस वर्ष भने आयोजना हुन लागेको हो ।

सोही अवसरमा क्लवले गत बैशाखमा निवार्चित भएका मेयर, उपमेयरसहित वडाअध्यक्ष र कार्यपालिका सदस्यहरुलाई बधाई तथा शुभकामना समेत आयोजना गरेको थियो ।

क्लबले सोमबार धरान १६ स्थित रंगशालामा कार्यक्रम आयोजना गरि बधाई र कार्यकाल सफलताको शुभकामना दिएको थियो ।

क्लबका अध्यक्ष किशोर राईले मेयर हर्क साम्पाङ, उपमेयर अइन्द्रबिक्रम बेघासहित २० वटै वडाका अध्यक्ष र कार्यपालिका सदस्यहरुलाई सम्मान पत्र र मायाको चिनो ट्रयाक सुट प्रदान गरेका थिए ।

क्लब र खेलकुदसँग स्थानीय निकाय र जनप्रतिनिधिवीच सम्वन्ध प्रगाढ बनाउनको लागी कार्यक्रम आयोजना गरिएको क्लवको अध्यक्ष राईको भनाई रहेको छ ।