सामाजिक संस्थामा राजनीति हुनु हुदैन– मन्त्री चौधरी

छाल खवर
धरान,२८ माघ ः महिला, बालबालिका तथा ज्येष्ठ नागरिक मन्त्री भगवति चौधरीले समाजसेवा गर्ने संस्थामा राजनीति गर्नु नहुने बताएकीछिन् ।

नेपाल रेडक्रस सोसाइटी सुनसरी शाखाको ४८ औ जिल्ला सभाको उद्घाटनका अवसरमा बोल्दै मन्त्री चौधरीले सो कुरा वताएकी हुन् ।

मन्त्री चौधरीले रेडक्रस जस्तो संवेदनशील संस्थामा राजनीति गर्नु नहुनेमा जोड दिएकी थिइन ।

रेडक्रसको केन्द्रीय कार्यालयमा भएको विवादको प्रसंगमा मन्त्री चौधरीले विसुद्ध सामाजिक संस्थामा यस्तो हुनु राम्रो नभएको बताइन ।

उनले सामाजिक कार्यकालागि नेपाल सरकारले रेडक्रसलाई ठूलो अधिकार प्रदान गरेको बताउदै रेडक्रसलाई ऐन, कानुनभित्र ल्याउन नसके विकराल अवस्था सिर्जना हुने दावी समेत गरेकीथिइन ।

उनले जोखिममा पर्ने, द्वन्द्धमा पर्ने, बाढीपिडितमा पर्ने जोकोहीको उद्धार गर्दै आएको र यस्ता समयमा गर्ने कामलाई अझ प्रभावकारी बनाउदै जानुपर्नेमा जोड दिएकी थिइन ।

यस्तै नेपाल रेडक्रस सोसाइटी सुनसरीका सभापति उमेश थापाले सुनसरी शाखाले विपत्तका समयामा धेरै काम गरेको दाबी गरेका थिए ।

कार्यक्रममा सुनसरी क्षेत्र नं १ का प्रदेश १ का सांसद रमेशकुमार बस्नेत, सुनसरीका प्रमुख जिल्ला अधिकारी हुमकला पाण्डे, सुनसरी जिल्लाका प्रहरी प्रमुख लगायतको उपस्थिति रहेको थियो ।