करुणा राईको ‘रसिया राग’ सङ्ग्रहमाथि चर्चा

छाल खवर
धरान,१ फागुनः साहित्यकार कवि करुणा राईको नयाँ कविता सङ्ग्रह ‘रसिया राग’ को एक कार्यक्रमका वीच चर्चा गरिएको छ ।

धरानकी साहित्यकार कवि राईको शनिबार धरानमा एक कार्यक्रमको ओयोजना गरी सङ्ग्रहमाथि चर्चा गरिएको हो ।
प्रमुख अतिथि, वरिष्ठ कवि बम देवानले करुणाका कवितामा गाउँलेपन झल्किएको वताएका थिए ।

गाउँको भावना जीवन्त भएर कवितामा आएको उनको भनाई थियो ।कार्यक्रममा कवि मनु मञ्जिलले कवितामाथि आफ्नो विचार राखेका थिए ।

कार्यक्रममा वोल्दै मञ्जिलले करुणाको सङ्ग्रहमा प्रेमिल कविता सङ्ग्रहित रहेको बताए । जसरी लेखिनुपथ्र्यो, त्यसरी नै कविता लेखिएको उनको भनाई थियो ।

कवि सन्तोष थेबेले करुणा राईको कविताले गाउँले जीवनका भोगाइ र प्रयोग गरीएको भाषाको प्रयोगले आफू हर्षित भएको वताए ।

कवि करुणा राईका अनुसार कविता सङ्ग्रहमा ४९ वटा कविता समावेश गरीएको छ ।