डिएसपि मल्लद्धारा ३८ औं पटक रक्तदान

छाल खवर
धरान,६ फागुन ः इलाका प्रहरी कार्यालय धरानका प्रमुख डिएसपि नवराज मल्लले ३८ औ पटक रक्तदान गरेकाछन् ।

सुच्चा राई कल्याणकारी समाजको २३ औं वार्षिक उत्सवका अवसरमा आयोजित रक्तदान कार्यक्रममा मल्लले सो रक्तदान गरेका हुन् ।

समाजको केन्द्रीय समिति र सुनसरी जिल्ला समितिको संयुक्त आयोजनामा भएको सो रक्तदान कार्यक्रममा ७० पिन्ट रगत संकलन भएकोमा ४२ जना पुरुष र २८ जना महिलाले रक्तदान गरेको समाजका केन्द्रीय अध्यक्ष विनोद सुच्चा राईले जानकारी दिएकाछन् ।

जति सकिन्छ त्यति मात्रामा भएपनि रक्तदान जस्तो मानवीय कार्यमा सहयोग गरौं भन्ने उदेश्यका साथ वार्षिक उत्सवका अवसरमा रक्तदानको आयोजना गरीएको अध्यक्ष राईको भनाई रहेको छ ।