२३ औं बुढासुब्बा गोल्डकप फागुन १३ गतेदेखि हुने

छाल खवर
धरान,७ फागुन ः कोरोनाका कारण स्थगित वुढासुव्वा गोल्डकप यस वर्ष भने आयोजना हुने भएको छ ।

आयोजकले आइतवार पत्रकार सम्मेलन गरी वुढासुव्वा गोल्डकप आयोजना गर्ने विषयमा जानकारी गराएको हो ।

आयोजकले दिएको जानकारी अनुसार फागुन १३ गतेदेखी फागुन २० गतेसम्म धरान रंगशालामा आयोजना हुनेछ ।

गोल्डकप आयोजक धरान फुटबल क्लबले आइतबार होटल पुर्वी स्टरमा पत्रकार सम्मेलन गर्दै यसपाली मुनाफा हुने गरि प्रतियोगिता गर्ने रणनीति तयार गरेको वताएको छ ।

क्लवका महासचिव प्रताप तामाङका अनुसार प्रतियोगितामा धरान उपमहानगरपालिका संयोजक रहेको छ भने मुख्य प्रायोजक टुबोर्ग वियर रहेको छ ।

प्रतियोगितामा सहप्रयोजकहरुमा सोमरर्सवे, नेको इन्सोरेन्स, राष्ट्रिय वाणिज्य बैंक, एनि स्पोर्टस् ब्राण्ड, आइएमई, सुनसरी टेक्निकल कलेज, डाइनामिक फुड्स र अन्नपुर्ण सिमेन्ट रहेको तामाङले जानकारी दिएकाछन् ।

आयोजकले दिएको जानकारी अनुसार प्रतियोगितामा वंगलादेश, क्यामरुन सहितको ८ वटा क्लबहरु सहभागीता जनाउने भएको छ ।

क्लबका कोषाध्यक्ष घनश्याम बुढाथोकीका अनुसार केबिपिएस वंगलादेश, एभेनियर एफसि क्यामरुन, नेपाल पुलिस क्लब काठमाण्डौं, बागमती युवा क्लब सर्लाही, केएफटिसि झापा, एन्फा मोरङ र आयोजक धरान फुटबल क्लब सहभागी रहनेछ ।

प्रतियोगिताको लागी विभिन्न निकाय, संघसंस्था तथा दाताहरुबाटसमेत गरेर १ करोड ९ लाख ५० हजार आय हुने अनुमान गरिएको क्लबका कोषाध्यक्ष बुढाथोकीले जानकारी दिए । त्यसमध्ये ८५ लाख ५ हजार खर्च हुने अनुमान गरिएको उनले बताए ।

प्रतियोगिताको विजेता टोलीले ट्रफीसहित नगद १० लाख पाउनेछ भने उपविजेताले नगद ५ लाख पाउनेछ । साथै, यसपाली उत्कृष्ट खेलाडीलाई नगद १ लाख दिइनेछ । विगतमा भने मोटरसाइकल दिदै आएको थियो ।

प्रत्येक खेलको म्यान अफ दि म्याचलाई १० हजार दिइनेछ भने उत्कृष्ट गोलरक्षक, डिफेन्स, मिड फिल्डर, स्ट्राइकर, प्रशिक्षकलाई जनही २५ हजार पुरस्कार दिइनेछ । प्रतियोगिताको सर्वाधिक गोलकर्तालाई ३५ हजार पुरस्कार दिइने पनि क्लबले जनाएको छ ।

यस वर्षलाई प्रतियोगितालाई मुनाफामा लैजाने रणनीति वनाएको क्लवका अध्यक्ष किशोर राईले वताएकाछन् ।

कोरोनाका कारण वुढासुव्वा गोल्डकप विगत दुइवर्ष देखि हुन सकेको थिएन ।