फागुन १७ गतेबाट धरानमा नाटक ‘कुमार मामा’ मञ्चन हुने

छाल खवर
धरान,१६ फागुन ः पछिल्लो समय धरानमा नाटकलाई व्यवायिककरण गर्ने प्रयास भईरहेको छ ।

केही समय अघि खुवालुङ नाटक धरानमा निकै लोकप्रिय वनेको थियो । दर्शकहरुले टिकट काटेर हल नै खचाखच हुने गरी भरीएका थिए ।

नेपाल पत्रकार महासंघ सुनसरी शाखाका अध्यक्ष तथा लेखक पत्रकार जनकऋषि राईको कथा ‘कुमार मामा’ को नाटय रुपान्तरण मंगलवार (आज)बाट धरानमा मंचन हुँदैछ ।

नाटकको निर्देशन धेरै दर्शकले रुचाइएको नाटक ‘इंघक’ का निर्देशक तथा रंगभूमि एकेडेमीका संचालक बिष्णु मोक्त्तानले गरेकाछन् ।

मोक्तानका अनुसार ‘कुमार मामा’ ले राजनीतिबाट पिल्सिएको एउटा पात्रको जीवनको आरोह–अवरोहको कथा बोलेको छ ल्क्त् बताए ।

नाटकमा निर्देशक मोक्तानसँगै उदय बेघा लिम्बू, सजेस्ट घायल राई, विकास कुलुङ, मानबहादुर राई, दीपेन्द्र राई, एलिना रुम्दाली, करिस्मा छेत्री, एन्जल तामाङ लयागत १५ जना कलाकारहरुले अभिनय गर्ने निर्देशक मोक्त्तानले जानकारी दिए ।

देशको राजनीतिक परिवर्तनपछि हरेक मान्छेका आशा, विश्वास, सपना, जिम्मेवारी, इच्छा, चाहाना र जीवन भोगाइको आरोह अवरोह नाटकमा प्रस्तुत गर्ने निर्देशक मोक्त्तानले बताए ।

१ घण्टा २० मिनेटको समय रहेको नाटक ‘कुमार मामा’ धरान ८ स्थित सभागृहमा हरेक दिन ४ बजे देखी मञ्चन हुनेछ । टिकटदर भने बिधार्थीको लागी रु ३०० र अन्य रु ५०० राखिएकोछ ।