क्यामरुन बुढासुव्वा गोल्डकपको फाइनलमा प्रवेश, उपाधिका लागि शनिबार झापासँग प्रतिष्पर्धा गर्ने

छाल खवर
धरान,१९ फागुन ः धरानमा जारी २३ औं बुढासुब्बा टुबोर्ग गोल्डकपको फाइनलमा क्यामरुनको एभेनियर फुटबल क्लब प्रवेश गरेको छ ।

बिहिबार भएको खेलमा एन्फा मोरङलाई २–० गोलले पराजित गर्दै क्यामरुन फाइनल प्रवेश गरेको हो ।

क्यामरुनका लागि पूर्वाद्धको ४४ औं मिनेटमा टिम्बाले गोल गरेर टिमको खाता खोलेका थिए भने उत्तराद्धको ४२ औं मिनेटमा क्यामरुनले आत्मघाती गोल उपहार पायो । मोरङका खेलाडी सुजन चौधरीले डिबक्सभित्र वल रोक्ने प्रयास गर्दा आफ्नै पोष्टमा गोल भएको थियो ।

विहिवारको खेलमा क्यामरुनका डिन म्यान आफ दि म्याच घोषित भएका थिए उलने नगद १० हजार नगद पुरस्का हात पार्न सफल भएका थिए ।

यस वर्षको गोल्डकपको उपाधिका लागि क्यामरुनले शनिबार काकडभिट्टा फुटबल ट्रेनिङ सेन्टर झापासंग प्रतिष्पर्धा गर्नेछ ।