गोर्खा वीर योद्धाहरूको सम्मानमा ट्रायल ब्लेजर दौड

छाल खवर
धरान,२१ फागुन ः गोर्खा सिमेट्री ट्रष्टद्वारा धरानमा गोर्खा ट्रायल ब्लेजर दौड प्रतियोगिता आयोजना गर्ने भएको छ ।
ट्रष्टले आगामी चैत ४ गते धरानमा सो दौडको आयोजना गर्न लागेको हो ।

हङकङमा विश्वयुद्धका वीर गोर्खा सहिद गोर्खा योद्धाहरूको स्मृतिमा आयोजना गरिने पुर्खा दिवसमा गोर्खा ट्रायल दौड आयोजना गरिँदै आएको थियो सोही अवसरमा धरानमा पनि गर्न लागेको आयोजकले आइतवार पत्रकार सम्मेलन गरी जानकारी दिएको थियो ।

गोर्खा ट्रायल ब्लेजरले नेपाल सो प्रतियोगिता पहिलो पटक आयोजना गर्न लागिएको सिमेट्री ट्रष्टका अध्यक्ष महेन्द्रकुमार राईले पत्रकार सम्मेलनमा जानकारी दिएका हुन् ।

दौडको रुट धरान–१८ रत्न चौकबाट मङ्गलवारे चौक, सर्दु खोलाको नयाँ पुल हुँदै विष्णुपादुका स्थित गोर्खा स्मृति पार्कसम्म गन्तव्य तोकिएको अध्यक्ष राईले वताएकाछन् । दौडको दुरी ८ किलोमिटर ५०० मिटर हुने छ ।

प्रतियोगितामा प्रथम हुनेले नगद १५ हजार, दोस्रो हुनेले १० हजार, तेस्रो हुनेले ५ हजार र चौथो सान्त्वना पुरस्कार ३ हजार प्रदान गरिने पत्रकार सम्मेलनमा आयोजकले वताएको छ । प्रतियोगितामा करिव १० लाख खर्च लाग्ने अनुमान रहेको आयोजक समितिका अध्यक्ष राईको भनाई रहेको छ । प्रतियोगितालाई निरन्तरता दिइने उनले बताए ।

प्रतियोगिताको समापन धरान–२० स्थित गोर्खा पार्कमा हुने समापन समारोहमा तीनजना पूर्व गोर्खा वीर योद्धाहरूलाई गरिने छ ।

आयोजकका अनुसार सम्मानित हुने वीर गोर्खाहरूमा ओखलढुङ्गाका १०२ वर्षीय धनसिंह राई, तेह्रथुम घर भई हाल धरान–११ मा बसोबास गर्दै आएका १०१ वर्षीय धनदल लिम्बु र सङ्खुवासभा घर भई हाल विराटनगर बस्दै आएका १०१ वर्षीय मानबहादुर लिम्बु छन् ।

ट्रष्टका अध्यक्ष राईले प्रतियोगितामा १ सय ५० जना भन्दा बढीको सहभागिता हुने जानकारी दिएकाछन् ।
सम्मेलनमा गोर्खा स्मृति पार्कका अध्यक्ष हरी लिम्वुले गोर्खा ट्रायल ब्लेजर दौडले पर्यटनको गन्तव्य स्मृति पार्कको ख्यातिमा पनि योगदान गर्ने विश्वास व्यक्त गरे ।