हात्तिसार क्याम्पसमा छात्रवास र घण्टाघर एक साथ उद्घाटन

छाल खवर
धरान,१५ चैत ः केन्द्रीय प्रविधि क्याम्पस हात्तीसार धरानले स्वर्ण महोत्सवका अवसरमा छात्रवासको उद्घाटन गरेको छ ।

स्वर्ण महोत्सवका अवसर पारेर क्याम्पसले छात्रहरूका लागि नयाँ छात्रवास भवनको उद्घाटन गरेको हो ।

भवनको उद्घाटन त्रिभुवन विश्वविद्यालयका रजिष्टार पेसल दालहालले एक कार्यक्रमका वीच उद्घाटन गरेका थिए ।

६५ जना विद्यार्थीहरु वस्न मिल्ने सो छात्रवासको लागत ३ करोड १७ लाख रुपैयाको लागतमा निर्माण भएको क्याम्पसकी सहायक क्याम्पस प्रमुख बविता अधिकारीले जानकारी दिएकीछिन् ।

क्याम्पसमा यसअघि छात्राहरुका लागि मात्र छात्रावास थियो । क्याम्पसमा हाल विद्यार्थी भने करिब १ हजारको सङ्ख्यामा छन् ।

स्वर्ण जयन्तीकै अवसरमा क्याम्पस प्रमुख डा. दिलकुमार लिम्बुले परिवारको लगानीमा निर्मित घण्टाघरको पनि उद्घाटन गरीएको थियो । ३२ लाख रुपैयाको लागतमा निर्माण गरिएको ‘हिम(टिका क्लक टावर’ क्याम्पस प्रमुख लिम्बुको परिवारले माता, पिताको स्मृतिमा निर्माण गरिएको हो ।

सोही अवसरमा क्याम्पसलाई जग्गादान गर्ने जग्गादाता लगायत विभिन्न क्षेत्रबाट योगदान गर्नेहरुलाई सम्मान गरीएको थियो ।

केन्द्रीय प्रविधि क्याम्पस खाद्य प्रविधिमा पिएचडीसम्मको अध्ययन अध्यापन हुने नेपालको पहिलो क्याम्पस हो । क्याम्पस स्थापनाको ५० औँ वर्ष पुरा भएको अवसरमा बुधवार स्वर्ण जयन्ती समारोह आयोजना गरिएको थियो ।
क्याम्पस स्थापना २०३० सालमा भएको थियो ।

सोही अवसरमा स्वर्ण महोत्सव स्मारीका समेत विमोचन गरीएको थियो ।