हुक्का चोङवाङको तेस्रो राष्ट्रिय अधिवेशन धरानमा

छाल खवर
धरान,२५ चैत ः हुक्पा चोङबाङ कल्याण संघको तेस्रो राष्ट्रिय अधिवेशन धरानमा सम्पन्न भएको छ ।

धरान उपमहानगरपालिकाका उपप्रमुख आईन्द्र बिक्रम बेघाको प्रमुख आतिथ्यतामा शनिबार धरान १४ स्थित हुक्पा चोङवाङ पार्कमा अधिवेशनमा सम्पन्न भएको हो ।

उपप्रमुख बेघाले च्याब्रुङ बजाएर कार्यक्रमको समुदघाटन गर्दै चोङवाङ प्रतिभा र सृजनाका फुलहरु पुस्तक बिमोचन समेत गरेका थिए ।

चोङवाङ समाजले बंशज उत्थानको कार्य गर्दे कठिन परिस्थीतिमा पनि सामाजिक कार्यमा योगदान गरेको भन्दै अझै निरन्तरताको कामना गरेका थिए ।

कल्याण संघले फेदाङ गाउपालिकामा ८ आना जग्गा प्रदान गर्ने जग्गादाता मान बहादुर रेग्मीलाई लगायत धरान १४ बिजयपुरमा जग्गा खरिद गरि संस्थालाई हस्तारण गर्ने मोहन कुमार हुक्पा चोङवाङ,शेर बहादुर हुक्पा चोङवाङ, मोहन सिह हुक्पा चोङवाङ,तालमान हुक्पा चोङवाङ,पञ्च बहादुर हुक्पा चोङवाङ, मचिन्द्र हुक्पा चोङवाङलाई सम्मान गरीएको थियो ।

साथै अधिवेशनले परिवारबाट निर्वाचित जनप्रतिनिधिहरु फेदाङ गाउपालिका हरिप्रसाद चोङवाङ,आठराई गा.पा. वडाअध्यक्ष भीम बहादुर हुक्पा चोङवाङ,फेदाङ गापा भेषराज हुक्पा चोङवाङ,मेन्छ्यायेम गापा अध्यक्ष विनय हुक्पा चोङवाङ लगायत जनप्रतिनिधिलाई सम्मान गर्नुको साथै राष्ट्रिय निबन्ध प्रतियोगितामा दोस्रो स्थान हासिल गर्ने मनिता हुक्पा चोङवाङ सम्मान गरेको छ ।

अधिवेशन संघका अध्यक्ष शेर बहादुर हुक्पाचोङवाङको अध्यक्षतामा भएको थियो ।कार्यक्रमलाई स्वागत मदन हुक्पाचोङवाङले गरेका थिए भने कार्यक्रममा शुभकामना नर बहादुर लुङफुवा लिम्वु लगायतले शुभकामना दिएका थिए ।

हुक्पा चोङवाङ कल्याण संघको बन्दशत्र जारी रहेको छ । संघले अधिवेशनबाट नया कार्यसमिती छनौट गर्ने संघका अध्यक्ष चोङबाङले बताए ।
कायक्रमको संचालन महासचिव भगत हुक्पा चोङवाङले गरेका थिए ।