छाल खवर
धरान,२६ वैशाखः धरान उपमहानगरपालिकाका नगर प्रमुख हर्कराज रार्य ( हर्क साम्पाङ)ले धरान उपमहानगरपालिका प्रेस स्वतन्त्रताको पक्षमा रहेको बताएका छन् ।
तीन दिन अघि नेपाल पत्रकार महासंघ सुनसरीको ध्यानाकर्षण पत्रको लिखित जवाफ दिदै उनले यस्तो बताएका हुन् ।
मेयर साम्पाङले पत्रकार र सञ्चार माध्यम लक्षित अमर्यादित, अशोभनीय र गालीगलौजपुर्ण भाषामा प्रेस स्वतन्त्रता विरोधी अभिव्यक्ति दिएको भन्दै पत्रकार महासंघ सुनसरीले प्रेस स्वतन्त्रताको सम्मान गर्न भन्दै ध्यानाकर्षण पत्र बुझाएको थियो । तीन दिनको अल्टिमेटमसहित बुझाएको ध्यानाकर्षण पत्रको मेयर साम्पाङले आजै जवाफ दिएका हुन् ।
पत्रकार महासंघले नगरप्रमुख साम्पाङलाई अमर्यादित र गालीगलौजपुर्ण अभिव्यक्ति फिर्ता लिन पनि आग्रह गरेको थियो ।
उनले सामाजिक सञ्जाल फेसबुकमा झोले पत्रकार भन्दै पत्रकार र सञ्चारमाध्यम लक्षित अमर्यादित भाषामा गाली गर्ने गरेका छन् । साथै, उनका समर्थकहरुले पनि पत्रकारहरुलाई सामाजिक सञ्जालमा जथाभावी गालीगलौज र धम्कीसमेत दिने गरेकाछन् ।
धरान उपमहानगरपालिका प्रेस स्वतन्त्रताको पक्षमा रही आएको तर प्रेस स्वतन्त्रताको नाममा जथाभावी आरोप लगाउने, कसैको चरित्र हत्या गर्ने, अपुष्ट समाचार सम्प्रेषण गरि भ्रम सृर्जना गर्ने छुट पत्रकारलाई पनि नरहेको मेयर साम्पाङको जवाफी पत्रमा उल्लेख छ ।
यस अघि नगरप्रमुख साम्पाङले चलाउदै चलाउने सामाजिक संजालमा संचारकमींलाई गाली गलौज गरेर पोष्ट गर्ने गरेका थिए ।
Copyright © 2020 / 2024 - Chhalkhabar.com All rights reserved
Website By : Hash Tech Logic
