छाल खवर
धरान,४ जेठ :नेपाली काँग्रेस धरानका पूर्व नगर सचिव तथा युवा नेता राजेशमान श्रेष्ठ ले पार्टी परित्याग गरी राष्ट्रिय स्वतन्त्र पार्टीमा प्रवेश गरेकाछन् ।
लामो समय शिक्षण पेसामा आवद्ध श्रेष्ठ किशोर राई नगर सभापति निर्वाचित हुदा सचिवमा निर्वाचित वनेका थिए । पारीवारीक रुपमा नै कांग्रेस पृष्ठभूमिका श्रेष्ठ नेवार समुदायमा निकै लोकप्रिय रहेकाछन् ।
श्रेष्ठले वुधवार पार्टीको साधारण सदस्य समेत नरहने गरी राजिनामा गरेका थिए भने सोही दिन उनी राष्ट्रिय स्वतन्त्र पार्टीको धरान नगर संयोजक वनेका थिए ।
काँग्रेसमा सबै भन्दा धेरै पीडित आफू भएको बताउँदै रा काँग्रेसले कहिल्यै कुनै अवसर नदिएर पाखा लगाउने काम गरेको आरोप समेत लगाएकाछन् ।
श्रेष्ठले पार्टीमा धरानमा बढेको गुटबन्दी, विकृती, विसंगती बारे बोल्दा गद्दार समेत भनेर अरोप लगाउने गरेको गुनासो समेत गरेकाछन् ।
लामो समय शिक्षक पेसामा रहेका श्रेष्ठ समुदायमा निकै लोकप्रिय रहेकाछन् । संगठन निर्माणमा उनी निकै निपूर्ण रहेकोले पार्टी संगठन तिव्र रुपमा निर्माण हुने अनुमान गरीएको छ ।
उनले सवै वडाहरुमा संगठन निर्माणलाई तिव्रता दिने वताएकाछन् । आफूले धरानको समग्र हितको पक्षमा काम गर्ने समेत वताएकाछन् ।
वुधवार भएको भेलाले सुमान श्रेष्ठलाई सचिवमा चयन गरेको छ । श्रेष्ठ यस अघि माओवादीको धरान नगर समिति सदस्य रहेका थिए ।
भेलाले कोषाध्यक्षमा सबिता लिम्बुलाई चयन गरेको छ भने सदस्य रहने गरी तदर्थ समिति गठन गरेको छ ।
त्यसैगरी धरान(९ का सक्रिय युवा निर्मल आचार्य पनि काँग्रेस परित्याग गरी राष्ट्रिय स्वतन्त्र पार्टीमा गएका छन् ।
वुधवार भएको भेलाले तदर्थ समितिले जेठ १९ गते भित्र नयाँ सदस्यता वितरण गरी आउँदो मङ्सिरमा पार्टीको अधिवेशन गर्ने निर्णय गरेको नगर संयोजक राजेमान श्रेष्ठले जानकारी दिएकाछन् ।
Copyright © 2020 / 2024 - Chhalkhabar.com All rights reserved
Website By : Hash Tech Logic
