सरोकार समाज नेपाल सुनसरीको आयोजनामा क्षेत्रीय ब्याडमिन्टन प्रतियोगिता हुने

 छाल खवर
धरान,१४ असारः सरोकार समाज नेपाल सुनसरीको आयोजनामा धरानमा दुइदिने व्याडमिन्टन प्रतियोगिता हुने भएको छ ।आयोजकले वुधवार पत्रकार महासंघको सभाहलमा प्रत्रकार सम्मेलन गरी प्रतियोगिता आयोजना गर्ने जानकारी गराएको हो ।

आयोजकले दिएको जानकारी अनुसार सुनसरी क्षेत्र नं.१ भरीका तीन वटा नगरपालिकाका २७ वटा वडाको सहभागीता रहनेछ ।

प्रतियोगितामा धरानका २० वटा वडा, वराहक्षेत्रका ५ वटा वडा र रामधनी नगरपालिकाको २ वटा वटाको सहभागीता रहनेछ ।

कोशी प्रदेश खेलकुद विकाश बोर्डको सहयोगमा धरानको अमर सेवा समाजको हलमा आयोजना हुन लागेको सो प्रतियोगितामा सुनसरी व्याडमिन्टन संघको प्राविधिक सहयोग रहने आयोजकले पत्रकार सम्मेलनमा जानकारी दिएको छ ।प्रतियोगिताको व्यवस्थापन भने अमर सेवा समाजले गर्ने भएको छ ।असार २१ र २२ गते दुई दिन सञ्चालन हुनेछ ।

प्रतियोगिता संयोजक समाजका अध्यक्ष दुर्गाबहादुर राईले प्रतियोगिता ४ वटा क्याटोगोरीमा हुने जानकारी दिएकाछन् ।
उनका अनुसार मेन्स डबल, लेडीज डबल, भेट्रान प्लस र अन्डर १७ समूहमा हुनेछ ।

प्रतियोगितामा मेन्स डबल विजेतालाई नगद २०, भेट्रान ४५ प्लसबाट विजेता हुने खेलाडीलाई नगद २० हजार रुपैैया, उपविजेतालाई नगद १२ हजार र तेस्रो हुने टिमलाई नगद क्रमस ५÷५ हजार रुपया प्रदान गरिने छ ।

लेडिज डवलतर्फ विजेता हुने खेलाडीले नगद १५ हजार प्राप्त गर्नेछन् भने उपविजेताले नगद १० हजार पुरस्कार प्राप्त गर्नेछन् । तेस्रो हुने खेलाडीले क्रमस ४ हजारका दरले पुरस्कार प्राप्त गर्नेछन् ।

अन्डर १७ विजेताले नगद ६ हजार, उपविजेता नगद ३ हजार, तेस्रो हुने टिमले नगद २ हजारका दरले नगद पुरस्कार प्राप्त गर्नेछन् ।

प्रतियोगीतामा राष्ट्रिय खेलाडी वा ए श्रेणीका खेलाडीहरू र मेन्स डबलमा क्षेत्रीय राष्ट्रिय, अन्तर्राष्ट्रिय खेलमा सहभागी खेलाडीले भाग लिन पाउने छैनन्।

सहभागी हुने खेलाडीहरुले सम्वन्धित वडाहरुबाट खेल्नको लागि सिफारीस भने अनिवार्य ल्याउनु पर्ने आयोजकले जनाएको छ ।यता अन्डर १७ को हकमा भने सुनसरी जिल्ला भरीका जो सुकै खेलाडीले खेलमा सहभागीता जनाउन पाउने छ । वडाको सिफारीस आवस्यक पर्नेछैन ।