वार्षिक उत्सवमा गोरु चिन्तनवारे बहस

छाल खवर
धरान,६साउृन ः धरानमा स्थापित सांस्कृतिक अधिकार संरक्षण समिति ले आफ्नो स्थापनाको १७ औं वार्षिक उत्सव सम्पन्न गरेको छ ।

वार्षिक उत्सवका अवसरमा समितिले सुनसरीलाई कार्यक्षेत्र बनाएर पत्रकारिता गरिरहेका लम्जेल गमबहादुर सङ्घर्षशीललाई नगद सहित सम्मान गर्नुका साथै पत्रकार तथा लेखक जनकऋषि राईद्धार लिखित गोरु चिन्तन’ पुस्तक विमोचन गरीएको थियो ।

नेपाल आदिवासी जनजाति महासङ्घ सुनसरीका अध्यक्ष राम माण्डुपा राईको प्रमुख आतिथ्यमा भएको कार्यक्रममा वाबु९ चिण्डो० मा राखिएको रक्सि छर्कदैं उद्घाटन गरिएको थियो ।

समितिका अध्यक्ष सुवास हुक्पा चोङबाङको अध्यक्षतामा भएको कार्यक्रममा सम्मानित पत्रकार लम्जेल गमबहादुर सङ्घर्षशीलले राज्यले आदिवासी समुदायको सांस्कृतिक अधिकार हनन् गरेर संस्कृति विहिनको अवस्थामा लगेको बताए ।

कार्यक्रमममा विमोचित पुस्तक ‘गोरु चिन्तन’ का सम्पादक जनकऋषि राईले संविधानले स्वीकार गरेको बहुलतालाई पुस्तकले सम्बोधन गर्ने बताए ।

प्रमुख अतिथि राम माण्डुपाले ‘गोरु चिन्तन’ पुस्तक राज्यको एकपक्षीय चिन्तन विरुद्धको रचनात्मक हस्तक्षेप भएको बताए ।