खेलकुद मञ्च अध्यक्षमा किशोर राई

छाल खवर
धरान,१३ साउनः धरान खेलकुद मञ्चको दोस्रो अधिवेशनले सर्वसम्मत रुपमा किशोर राईको अध्यक्षतामा नया कार्यसमिति चयन गरको छ ।

शनिवार भएको दोस्रो अधिवेशनले राईको अध्यक्षतामा २५ सदस्यीय कार्यसमिती चयन गरेको हो ।

समितिको उपाध्यक्षहरुमा वडीविल्डीङ विधाबाटबरिष्ठ उपाध्यक्ष प्रेम प्रकाश लिम्बु,चार उपाध्यक्षहरुमा सितारियो करातेबाट कुवेरमान गुरुङ ,जुडे बाट रोशनी राई,भलिबलबाट डम्बर लिम्बु,आर्चरीबाट हिमाल लिम्बु रहेका छन् महासचिवमा वडीविल्डीङबाट विक्रम लिम्बु चयन भएकाछन् ।

त्यसैगरी सहमहासचिवमा उसुबाट विकि राई रहेकाछन् ।त्यस्तै सितोरियो करातेबाट कोषाध्यक्ष समुना लिम्बु चयन भएकीछिन् ।

त्यसैगरी सदस्यहरुमा मोहन मगराती,देबेन्द्र खड्का, लोकमान लिम्बु,सुरज कार्की,धर्म तामाङ,बसन्त राई,गिता थापामगर,नविन राई र सुरज घिमिरे ,सन्तोष लोहोरुङ राई, प्रताप तामाङ मोहन पाण्डे सहित कुरास र प्यारागाईडिङबाट समेत सदस्य राखिने गरी २५ सदस्यीय कार्यसमिती गठन भएको अध्यक्ष राईले जानकारी दिएकाछन् ।

नव निर्वाचित अध्यक्ष राईले खेलकुद क्षेत्रको आन्तरीक प्रवद्र्धन,बिकास ,समृद्धी र संरक्षणका लागि मञ्चले प्राथमिकता दिदै अग्रणी भुमिका खल्ने बताए ।

खेलकुद विकासलाई अवरुद्ध गर्ने जुनसुकै राज्यका शक्तिहरुसँग चुनौतीको सामाना गर्दे खेलकुद र खेलाडी बचाउने कार्यमा लाग्ने उनको भनाई थियो ।

उद्घाटन शत्रको अध्यक्षता राजेशमान श्रेष्ठले गरेका थिए ।