उद्धव थापा मुख्यमन्त्रीमा पुनः नियुक्त

छाल खवर
धरान,१६ साउनः सत्ताा गठवन्धनको तर्फबाट कोशी प्रदेशको मुख्यमन्त्रीमा उद्धव थापा पुनः नियुक्त भएका छन् ।

नेपाली कांग्रेस कोशी प्रदेश संसदीय दलका नेता समेत रहेका रहेका थापा गठवन्धनको तर्फबाट वहुमत पेस गर्दै मुख्यमन्त्री वनेका हुन् ।

प्रदेश प्रमुख पर्शुराम खापुङले संविधानको धारा १६८ को उपधारा २ अनुसार कांग्रेस, माओवादी केन्द्र, एकीकृत समाजवादी र जसपाको समर्थनमा थापालाई मुख्यमन्त्री नियुक्त गरेका हुन् ।

थापालाई मुख्यमन्त्री बनाउन कांग्रेसका २९, माओवादीका १३, एकीकृत समाजवादीका ४ र जसपाका १ सांसदको समर्थन छ । सभामुख बाबुराम गौतमले राजीनामा गरेपछि बहुमत पुगेको थियो ।कोशी प्रदेशमा एमाले ४० तथा राप्रपा ६ संसद रहेकाछन् ।

तत्कालीन मुख्यमन्त्री हिक्मतकुमार कार्कीले विश्वासको मत नपाएपछि असार २१ गते थापा मुख्यमन्त्रीमा नियुक्त भएका थिए ।

यसअघि सभामुखको हस्ताक्षरसहित सरकार गठन गरेको कारण २२ दिनमै उनलाई सर्वोच्च अदालतले मुख्यमन्त्रीबाट बर्खास्त गराएको थियो ।