कोशीमा मुख्यमन्त्रीसँगै तीन मन्त्रीले लिए शपथ

छाल खवर
धरान,१७ साउनः मुख्यमन्त्रीमा शपथ लिएसंगै नेपाली कांग्रेस संसदीय दलका नेता उद्धव थापाले सानो आकारको मन्त्रिपरिषद् बनाएका छन् ।

मुख्यमन्त्री थापाले गठवन्धन दलका एक एक जना पर्ने गरी ३ जनाको मन्त्री परिषद वनाएका हुन् ।

मुख्ँयमन्त्री थापाले निर्वतमान सभामुख माओवादी केन्द्रका नेता बाबुराम गौतमलाई आर्थिक मामिला तथा योजना मन्त्रीमा नियुक्त गरेका छन् ।

त्यस्तै खानेपानी, सिँचाइ तथा ऊर्जामन्त्रीमा कांग्रेसका प्रदीपकुमार सुनुवार र सडक पूर्वाधार तथा भौतिक विकास मन्त्रीमा नेकपा (एकीकृत समाजवादी) का कमलप्रसाद जबेगुले शपथ लिएका छन् ।

सुनुवार र गौतम दुवै ओखलढुंगाबाट निर्वाचित प्रदेश सांसद हुन् भने जवेगु पाथचरबाट निर्वाचित सांसद हुन् ।

प्रदेश प्रमुखको कार्यालयमा बुधबार थापाले प्रदेश प्रमुख परशुराम खापुङसमक्ष पद तथा गोपनीयताको शपथ लिएसँगै अन्य मन्त्रीले पनि सपथ लिएका हुन् ।

थप मन्त्री परिषद विस्तार भने विश्वासको मत लिएपछि मात्र गरीने भएको छ । मुख्यमन्त्री थापाले मंगलवार मात्र शपथ लिएका थिए ।