सुनाखरीका बिद्यार्थीद्धारा पुनस्थापना गृहमा खाना

छाल खवर
धरान,१ भदौंः सुनाखरी एकेडेमी धरान–१२ का बिद्यार्थीहरु पढाईका अतिरिक्त सामाजिक सेवामा समेत सकृय रहेकाछन ।

विद्यार्थीहरुले धरान–१ छाता चोक स्थित पुनस्थापना गृहमा पुगेर असहाय तथा अनाथहरुलाई खाना पकाएर खुवाई सामाजिक सेवामा सकृय रहेका हुन् ।

सुनाखरी बाल क्लब र सुनाखरी स्काउटमा आबद्ध बिद्यार्थीहरुले शुक्रबार सामुहिक रुपमा खाना पकाएर गृहका ३२ जनालाई खाना खुवाएको एकेडेमीका प्रिन्सिपल मिलन राईले बताउनु भयो ।

सो कार्यमा धरान वडा नम्बर १२ को समेत सहयोग रहेको प्रिन्सिपल राईले बताउनु भयो ।

बिद्यार्थीहरुलाई सामाजिक कार्यमा सहभाही गराई सामाजिक सेवाको भावनाको बिकास गराउने उद्येस्यले समय समयमा यस्ता कार्यहरु गरिदै आएको प्रिन्सिपल राईको भनाई रहेको छ ।

क्लबका अध्यक्ष प्रतीक खापुङ्ले गृहका संचालक भिम राईलाई स्टेसनरी सामाग्री र जुस हस्तान्तरण गरेका थिए ।

सामुहिक रुपमा सबैजना मिलेर यहाँ आई खाना पकाएर असहायहरुलाई खुवाउन पाउँदा धेरै खुशी लागेको क्लबका अध्यक्ष खापुङले बताए।

पुनस्थापना गृहमै आएर खाना पकाएर खुवाउनुका साथै जुस र स्टेसनरी सामग्री प्रदान गरेकोमा गृहका संचालक राईले स्कुललाई धन्यवाद ज्ञापन गरेका थिए ।