फिजिकल ट्रेनिक सेन्टरद्धारा क्लललाई सहयोग

छाल खवर
धरान,२ भदौं ः नेपाल फिजिकल ट्रेनिङ एशोसिएसन प्रदेश समिति धरानले नव निर्मित युवा क्लवलाई भौतिक सामाग्री सहयोग गरेको छ ।

धरान–२० स्थित वाघखोप स्थित सुलिकोट मार्गमा रहेको क्लवलाई समितिले विभिन्न भौतिक सामाग्री सहयोग गरेको हो ।

क्लवलाई समितिले ३ थान टेवल, २ थान तपेश,आरी ५ थान बाल्टी २ थान, पानी राख्नको लागि ३ सय लिटर क्षमताको हिलटेक, २ थान त्रिपाल सहयोग गरेको समितिका सचिव विमान तामाङले जानकारी दिएकाछन् ।

तामाङका अनुसार क्लवलाई ४० हजार भन्दामाथिको सामाग्री सहयोग गरीएकोे हो ।

संस्थाले विगत वर्षहरुमा पनि विभिन्न किसिमका सामाजिक कार्यहरु गर्दै आएको र आगामी दिनमा पनि यस्ता कार्यहरु गर्दै जाने समितिका अध्यक्ष पर्वत राईले वताए ।

समितिको सहयोगबाट क्लवलाई ठूलो राहत मिलेको क्लवका अध्यक्ष पदम तामाङले वताए ।उनले गाउघरमा विभिन्न किसिमका धार्मिक कार्यहरु, मरीमराउ पर्दा समस्या हुने गरेको वताउदै यो सहयोगले राहत पुग्ने विश्वास समेत लिएकाछन् ।

क्लवमा २२ घर परिवार आवद्ध रहेको क्लवमा सचिव अमर राईले वताए ।