प्रशासनको निषेधाज्ञाका कारण धरान सुनसान इटहरीमा हिन्दुुधर्मलम्वीद्धारा प्रदर्शन

छाल खवर
धरान,९ भदौं ःधरानमा सामाजिक एवम् धार्मिक सद्भाव विथोलिने भयले जिल्ला प्रशासन कार्यालय सुनसरीले जारी गरेको निषेध आदेशको कारण शनिवार धरान सुनसान बनेको छ ।

धार्मिक, सामाजिक सद्भाव बिथोलिन नदिन प्रशासनले निषेध आदेश जारी गरेको दिन सुनसान वनेको हो ।

प्रशासनले सुुरक्षा संवेदनशिलतालाई ध्यान दिदै प्रशासनले राती १२ बजेसम्मको लागि धरानको सबै वडा र धरान आउने प्रमुख नाकाहरुदेखि नै निषेध आदेश जारी छ ।

निषेध आदेशको कारण कोशी राजमार्ग हुदै धरान आउने सवारीसाधनहरु इटहरीमै रोकिएका छन् । प्रशासनले धरानमा सभा, सम्मेलन, कार्यक्रम तथा ठुलो संख्यामा भेला हुन रोक लगाएको छ ।

धरानभित्रबाट पनि ठुला सवारीसाधनहरु चलेका छैनन् । टेम्पो, मोटरसाइकल, स्कुटरलगायत साधनहरु भने निर्वाध चलेका छन् । धरानको चारैतिरका प्रमुख नाकाहरुमा सवारी आवागमनलाई कडाई गरिएको छ । धरानभित्र पनि बाक्लो संख्यामा सुरक्षाकर्मीहरु परिचालन गरिएको छ ।

धरानमा निषेधाज्ञा जारी गरेपछि हिन्दुवादीहरुले इटहरीमा प्रदर्शन जारी रहेकाछन् । विभिन्न स्थानबाट आएका हिन्दु धर्मका समर्थकहरुले इटहरीका विभिन्न स्थानमा प्रदर्शन जारी राखेकाछन् ।