जसपाको किरात राष्ट्रिय समिति पुनर्गठन

छाल खवर
धरान,८असोजः जनता समाजवादी पार्टी (जसपा) नेपालले पार्टीको जनवर्गीय संगठनहरुलाई गठन र पुर्नगठनलाई तिव्रता दिएको छ ।

पार्टीले कोशी प्रदेश अन्र्तगत रहेको किरात राष्ट्रिय समिति पुनर्गठन गर्दै पुर्नगठनलाई तिव्रता दिएको हो ।

आइतबार धरान उपमहानगर समितिको कार्यालयमा सम्पन्न किरात राष्ट्रिय समिति रूपान्तरण कार्यक्रमबाट रमेश राईको अध्यक्षतामा ३४ सदस्यीय समिति पुनर्गठन भएको हो ।

त्यसैगरी उपाध्यक्षहरुमा गणेश राई, मानभगत चाम्लिङ, बिना राई चयन भएकाछन् भने मुख्यसचिवमा प्रशन्न राई रहेकाछन् ।

त्यस्तै सचिवहरु गोपाल राई, महेन्द्र राई, नेत्रबहादुर नेम्बाङ र कोषाध्यक्ष जंगमान राई रहेका छन् ।

नव निर्वाचत उपाध्यक्ष गणेश राईका अनुसार जसपाको विधानमा संखुवासभा, भोजपुर, उदयपुर, खोटाङ र ओखलढुङ्गा जिल्लाहरुको किरात राष्ट्रिय समिति हुने व्यवस्था रहेको छ ।

सो पार्टीको विधान अनुसार किरात राष्ट्रिय समिति ३९ सदस्यसम्मको बनाउन सकिने प्रावधान रहेको छ ।