छाल खवर
धरान,२८ असोजः विष्णु मेमोरियल स्कुल धरान–९ मा विष्णु स्काउट दलको दिक्षान्त समारोह सम्पन्न भएको छ ।
विद्यालयमा आयोजित सो दिक्षान्त समारोहमा ४४ जना स्काउट विद्यार्थीहरु दिक्षित भएका थिए ।
दिक्षित मध्ये पहिलोमा १४ जना छात्रा स्काउट्स र ८ जना छात्र स्काउट्सले सदस्यता ब्याज तथा स्कार्फ प्राप्त गरेका थिए ।
त्यसैगरी दोस्रो तहको विपि ब्याज र हाइक ब्याज प्राप्त गर्ने स्काउट्स छात्रतर्फ १२ जना र छात्रातर्फ १० जना रहेका छन् ।
२०५८ सालमा स्थापित स्काउटले विद्यालयमा नियमित रुपमा कार्यक्रमहरु गर्दै आएको छ ।
विद्यालयका सहायक प्रअ कृष्णप्रसाद पौडेलको अध्यक्षतामा भएको सो कार्यक्रममा नेपाल स्काउट सुनसरीका समन्वय आयुक्त लक्ष्मण राई प्रमुख अतिथि रहेका थिए भने विद्यालयका प्रधानाध्यापक निलम श्रेष्ठ लगायतको उपस्थिति रहेको थियो ।
विद्यालयले पढाईका साथै विभिन्न अतिरीक्त कार्यक्रमहरुलाई विशेष महत्वका साथ संचालन गर्दै आएको छ ।
Copyright © 2020 / 2024 - Chhalkhabar.com All rights reserved
Website By : Hash Tech Logic
