नेवार एकता समाजद्धारा लाखामारी तालिम

छाल खवर
धरान,२० कार्तिक ः नेवार एकता समाजका केन्द्रीय अध्यक्ष महेश श्रेष्ठले कुनैपनि जाति र समुदायको मौलिक संस्कृतिका परिवारलाई परिचित गराउदै व्यवसायिकरण गर्नुपर्ने वताउनु भएको छ ।

नेवार एकता समाज धरान–९ ले सोमवार आयोजना गरेको एक दिने लाखामारी वनाउने तालिमको उद्घाटन गर्दै सो कुरा वताउनु भएको हो ।

उहाले नेवार समुदायको मौलिक परिवारका साथै सांस्कृतिक पहिचानको रुपमा रहेको लाखामरीलाई मौलिक पहिचान र संस्कृति मात्र नभएर व्यवसािियक रुपमा पनि लागू गर्नु पर्ने वताउनु भयो ।

उहाले तालिम लिएर मात्र सवै कुरा पूर्ण नहुने भन्दै तालिमलाई सदुपयोग गर्दै व्यवसायिक रुपमा लानको लागि सुझाव समेत दिनुभएको थियो ।

तालिमको लागि तालिम र सिक्नको लागि मात्र तालिमको रुपम विगत वर्षहरुमा हुने गरेको वताउदै तालिमले व्यवसायिक उपलव्धि हासिल गर्नुपर्नेमा जोड दिनुभयो ।

तालिमबाट प्रदेश भरीका पर्यटकहरुका लागि कोशेली उपहारको रुपमा लानका लागि उत्पादन गर्न सक्नुपर्नेमा उल्लेख गर्नुभयो ।

त्यसैगरी धरान उपमहानगरपालिका वडा नं ९ का वडाध्यक्ष रुपेश आचार्यले तालिमको व्यवासायिक सफलताको शुभकामना व्यक्त गर्नुभयो । उहाले तालिमले सार्थकता पाउनु पर्नेमा जोड दिनुभयो ।

यस्ता व्यवासायिकमूखी तालिमहरुलाई वडाबाट सक्ने सहयोग गर्ने प्रतिवद्धता समेत जनाउनु भएको थियो ।
तिहारको नजिक तालिम गर्दा तालिममा सहभागीहरुले आफूले सिकेको सीपलाई व्यवसायिक रुपमा लागू गर्न सकुन भन्ने उदेश्यले तालिमको आयोजना गरीएको वताउनु भयो ।

तालिममा ३५ जना सहभागी भएको संस्थाकी अध्यक्ष सविना शाक्यले जानकारी दिनुभयो ।
सहभागीहरुलाई सिर्जना शाक्यले तालिम दिनुभएको थियो भने कार्यक्रमको संयोजकमा संगिता श्रेष्ठ रहनु भएको थियो ।

उक्त कार्यक्रममा समाजका केन्द्रीय सदस्य तथा संगठन विभाग प्रमुख सुमन श्रेष्ठ तखाँछे, पूर्व केन्द्रीय सदस्य उमेश श्रेष्ठ, वडा नं. ९ का समाजका पूर्व अध्यक्ष तुलसीप्रसाद श्रेष्ठ लगायतको उपस्थिति रहेको थियो ।