तीनकुनेलाई ‘सिरिजंगा चौक’ नामाकरण धरानको पर्यकटीय महत्व वढाउने विश्वास

छाल खवर
धरान,२६कार्तिकः धरान प्रवेश गर्ने पूवी नाकाको रुपमा परिचित धरानको तिनकुने चोकको नाम परिवर्तन भएको छ ।

धरान उपमहानगरपालिकाले दक्षिण तर्फबाट धरान प्रवेश गर्ने मुख्य नाका तीनकुनेलाई ‘सिरिजंगा चौक’ नामाकरण गरेको हो ।

शनिवार बिहान चौकमा आयोजित कार्यक्रम बिच ‘सिरि जंगा चौक’ लेखिएको डिजिटल साइनबोर्ड अनावरण गरेर विधिवत् नामाकरण गरीएको थियो ।

धरान नगरपालिकामा तत्कालीन मेयर मनोजकुमार मेयाङबोको कार्यकालमा त्यहाँ किरात सिरीजंगा लिपिका प्रवर्द्धक सिरिजंगको पूर्ण कदको शालिक स्थापना भएको थियो । शालिक स्थापना भए पनि चौकको आधिकारिक नामाकरण भएको थिएन ।

धरान–१५ का वडाध्यक्ष नरेश कुमार इवारमले किरात याकथुङ चुम्लुङ धरान उपमहानगर समितिले धरान उपमहानगरपालिकालाई औपचारिक रूपमा गरेको अनुरोध अनुसार चौकको ‘सिरिजंगा चौक’ नामाकरण गर्न आग्रह गरेको थियो ।

वडाध्यक्ष इवारमले चोक नामाकरणलाई कार्यपालिका बैठकको एजेन्डाको रूपमा पारित गरेर सरकारी दस्ताबेजहरूमा नामाकरण गराउने प्रतिबद्धता जनाएका थिए ।

चुम्लुङ केन्द्रीय उपाध्यक्ष डा.कमल तिगेला लिम्बुले ‘आदिवासीका मातृभाषाको विकासका लागि किरात सिरिजंगा लिपीको प्रवर्द्धनमा योगदान गरेका सिरिजंगाको सम्मानमा ‘सिरिजंगा चौक’ नामाकरण हुनु सबैका लागि खुशीको कुरा भएको वताए ।

चुम्लुङ धरान उपमहानगर अध्यक्ष तीर्थ मादेम्बाले सिरीजंगा चोकलाई औपचारीक नामाकरणको मान्यता दिएकोमा धरान उपमहानगरपालिकाप्रति धन्यवाद ज्ञापन गरेका थिए ।

मादेम्बाले चौकको नामाकरणले धरानको पर्यटकीय महत्त्व बढाउने विश्वास व्यक्त गरे ।