नेपाल मै पहिलो पटक धरानमा भोजपुरी मैथिली सांगितिक धमाका

छाल खवर 

धरान,२७ कार्तिक ः धरानमा नेपालमा नै पहिलो पटक मैथिली भोजपुरी सांगितिक धमाका आयोजना हुने भएको छ ।

वुढासुव्वा टेन्ट हाउसको आयोजनामा मंसिर १ गते धरान–स्थित पव्लिक हाइस्कुलको मैदानमा सो धमाका आयोजना हुन लागेको हो ।

सो सांगितिक धमाकामा भारतको फारविजगन्ज, पटना,पश्चिम वंगाल, नेपालको जनकपुर तथा स्थानीय कलाकारको प्रस्तुती रहने आयोजकले बुढासुव्वा टेन्ट हाउस धरानका संचालक दिपक भगतले जानकारी दिनुभएको छ ।

सो धमाकामा ६ हजार दर्शक सहभागी हुने अपेक्षा गरीएको भगतको भनाई रहेको छ । उक्त धमाकामा सह आयोजक कलवार सेवा समिति रहेको छ भने प्रायोजकमा धरान टेन्ट व्यवसायी समाज रहेको छ ।

सो कार्यक्रममा १२ लाख खर्च हुने अनुमान रहेको आयोजकले जनाएको छ ।संस्कृतिको संरक्षण र प्रवद्धन गर्ने उदेश्यले कार्यक्रमको आयोजना गरीएको भगतको भनाई रहेको छ ।

कार्यक्रममा भोजपुरी र मैथिली गित,नृत्य तथा छठ पर्व विशेष झाकी समेत प्रद्धर्शन हुने भएको छ ।

झाकी प्रद्धशनका लागि भारतबाट १० जनाको समूह आउने र विभिन्न प्रकारका झाकी प्रद्धशन गर्ने आयोजकले जनाएको छ ।

आयोजकले दिएको जानकारी अनुसार कार्यक्रममा छ्ठ पर्वसम्बन्धी सांस्कृतिक गीत, नृत्य तथा झाँकी, सामाचकेवा, झिंझिया, राधाकृष्ण झाँकी लगायत सांस्कृतिक प्रस्तुतिलाइृ दर्शकले मनोरन्जन गर्न पाउने छन् ।

साङ्गीतिक कार्यक्रममा कलाकारहरु राज शोनी, विष्णु जुनियर पवन सिंह, काजल मलिक, पङ्कज मतवाला, भगवत मण्डल, रानी मन्जितकोरलगायतका चर्चित कलाकारको प्रस्तुति रहने आयोजक समितिका संयोजक भगतले वताउनु भएको छ ।

कार्यक्रममा प्रवेश शुल्कको रुपमा १ सय रुपैया लाग्ने आयोजकको भनाई रहेको छ ।