उद्घाटन खेलमा धरान फुटबल क्लबको विजयी

छाल खवर
धरान,२६ फागुन ः २४ औँ संस्करणको बुढासुब्बा गोल्डकप फुटबल खेलको उद्घाटन खेलमा आयोजक धरान फुटवल क्लवले विजयी सुरुवात गरेको छ ।

उद्घाटन खेलमा पाहुना टिम युकेएफसी भारतलाई सडेन डेथमा पराजित गर्दै आयोजक धरान फुटबल क्लब सेमिफाइनलमा प्रवेश गरेको हो ।

खेलको निर्धारित ९० मिनेटमा दुवै टिमले १÷१ गोल गरेपछि खेलको निर्णय पेनाल्टी सुट आउटबाट लिइएको हो ।

पेनाल्टीमा पनि ÷(५ गोलको बराबरी भएपछि खेल सडेन डेथमा पुगेको थियो ।सडेन डेथमा धरान १०÷९ गोल अन्तरले विजयी भएको हो ।

यसअघि निर्धारित समयको ५९ औ मिनेटमा धरानका मिलन राईले गोल गरेर आफ्नो टिमलाई अग्रता दिलाएका थिए ।

खेलको ७३ औ मिनेटमा युकेएफसीका नयन प्रधानले गोल फर्काएका थिए।

खेलको म्यान अफ द म्याच धरानका गोलरक्षक सचिन श्रेष्ठ घोषित भए ।

आयोजकले दिएको जानकारी अनुसार भोलीको खेल न्युरोड टिम एनआरटी र त्रिभुवन आर्मी क्लब बिच हुनेछ ।