छाल खवर
धरान,२१वैशाखः क्याम्ब्रीज ईन्स्टिच्युट अन्तर्गत प्राईम एजुकेसन धरान प्रालिले धरान स्थित पुनस्थापना गृहलाई शुक्रवार खाद्यान्न सहयोग गरेको छ।
धरान–१ मै रहेको पुनस्थापना गृहका संचालक भिम राईलाई प्रालिका संचालक लक्ष्मण दाहालले चामल, दाल, नुन, तेल एकमुष्ट रुपमा हस्तान्तरण गरेका थिए ।
एसईई दिएर प्राईम एजुकेसनमा ब्रीज कोर्स गरिरहेका बिद्यार्थीहरुलाई सामाजिक कार्यमा उत्प्रेरित गराउन खाद्यान्न सहयोग कार्यमा सहभागी गराएको प्रालिका संचालक दाहालले बताए।
बिद्यार्थीहरुले गृहमा रहेका अनाथहरुलाई फ्रुटी र फलफुल समेत बितरण गरे। प्राईम मै ब्रीज कोर्स गरिरहेकी छात्रा कैयन भुजेलले आफू सहभागी भएर सहयोग गर्न पाउँदा खुशी लागेको अनुभव सुनाईन।
उनले भनिन(–आउने दिनहरुमा आफूले पनि सकेको सहयोग गर्छु र अरुलाई पनि सामाजिक कार्यमा उत्प्रेरित गर्छुू।अर्का छात्रा अन्किता रामले पनि समाज सेवा जस्तो काममा सहभागी हुन पाउँदा खुशी लागेको बताईन।
ठूलो भएर यस्तै समाज सेवा गर्नुपर्छ भन्ने आफुलाई प्रेरणा मिलेको अन्किताले बताईन।
गृहका संचालक भिम राईले सहयोगका लागि क्याम्ब्रीज र प्राईम एजुकेसनलाई धन्यवात ब्यक्त गरे।
Copyright © 2020 / 2025 - Chhalkhabar.com All rights reserved
Website By : Hash Tech Logic
