सुुचना नदिएको भन्दै माओवादी आक्रोसित माओवादीको शक्ति कम नदेख्न चेतावनि

  • वैशाख २१, २०८१
  • ३६१ पटक पढिएको
  • छाल खबर
alt

छाल खवर
धरान,२१ वैशाखः संविधानले दिएको जनताले सुचना पाउने अधिकारबाट वन्चित गराएको भन्दै नेकपा (माओवादी केन्द्र) आक्रोशित वनेको छ ।

माओवादी केन्द्र रामधुनी नगर कमिटीले रामधुनि पालिकाले निर्धारित समयमा सूचना नदिएको भन्दै आक्रोशित वनेको हो ।

नगरपालिकाले नागरीकले पाउने सामान्य सुचना समेत लुकाएको भन्दै रामधुनी नगर कमिटीले दोस्रो पटक निवेदन लिएर नगरपालिका पुग्न वाध्य भएको छ ।

सूचनाको हक सम्बन्धि ऐन अनुसार १५ दिनभित्र सूचना दिनुपर्नेमा नदिएपछि माओवादी पुनः निवेदन लिएर आइतबार नगरपालिका पुगेको नगर अध्यक्ष बलराम चौलागाईंले जानकारी दिए ।

पार्टी नगर इन्चार्ज दिनेश चौधरी, प्रदेश सल्लाहकार सदस्य राजेन्द्र पौडेल, नगर अध्यक्ष चौलागाईं लगायत माओवादी नेता–कार्यकर्ताले प्रमुख प्रशासकीय अधिकृत पुरुषोत्तम ढकाललाई भेटेर पुनः निवेदन दिएका हुन् ।

दोस्रो पटकको निवेदनमा ७ दिनभित्र सूचना दिन माग गरिएको छ । निवेदनमा भनिएको छ, ‘सूचनाको हक सम्बन्धि ऐन २०६४ को दफा ७ बमोजिम माग भएको सूचना त्यस कार्यालयको सूचना अधिकारीले उपलब्ध नगराएकाले सूचनाको हक सम्बन्धि ऐन २०६४ को दफा ९ को उपदफा ३ बमोजिम सूचना अधिकारीलाई कारवाही गरि, सूचनाको हकसम्बन्धि नियमावली २०६५ को नियम ५ ‘क’ को उपनियम २ बम्मोजिम आज मिति २०८१÷०१÷१६ गतेको ७ दिनभित्र‘सूचना उपलब्ध गराउनुहुन अनुरोध छ ।’

नगरले सूचना नदिनु सूचनाको हक, संविधानले नै सुनिश्चित गरेको मौलिक हक, मानवअधिकार तथा लोकतान्त्रिक मूल्य–मान्यताविरुद्ध भएको माओवादीको ठहर छ ।

नगरपालिकालाई जनउत्तरदायी, पारदर्शी, जवाफदेही, भ्रष्टाचाररहित र जनमुखी बनाउनु आफ्नो लक्ष्य भएको माओवादीको भनाइछ ।

सूचना लुकाउने कार्यले नगरपालिका भ्रष्टाचार र अनियमिततामा चुर्लुम्म डुबेको अनुभूति भएको भन्दै तत्काल सच्चिएर ७ दिनभित्र माग गरिएको सूचनाको प्रमाणित प्रतिलिपि उपलब्ध गराउन माओवादीले आग्रह गरेको छ ।

सूचनाको हक अन्तर्गत नगरपालिकालाई बिभिन्न १५ ओटा बिषयमा प्रश्न राख्दै गत चैत्र २७ गते माओवादीले लिखित सूचना माग गरेको थियो ।

कोरा राईड साइक्लिङ च्यालेन्ज धरानमा

छाल खवर धरान,२८साउनः कोरा राईड साइक्लिङ च्यालेन्ज २०२५ आयोजना धरानमा गर्ने ...

विपी प्रतिष्ठानको उपकुलपतिमा धरानका विक्रम श्रेष्

छाल खवरधरान,२८ साउनः केही महिना अघिदेखि रिक्त भएको विपी कोइराला स्वास्थ्य व ...

हिबिस्कस बोर्डिङमा समाचार लेखन अभिमुखिकरण

छाल खवर धरान,२६साउनः विद्यार्थीहरुलाई समाचारका विषयमा जानकारी दिने उदेश्यले ...

हिविस्कस वोडिङ स्कुलमा लाखेजात्रा

छाल खवर धरान,२४ साउनः हिविस्कस इङ्लिस वोडिङ स्कुल धरान–१५ मा लाखे नाच ...

रोटरी क्लव अफ धरान घोपाको अध्यक्षमा इश्वर ताम्राक

छाल खवर धरान,२३ साउनः रोटरी क्लब अफ धरान घोपाको अध्यक्षमा इश्वर ताम्राकार च ...

जसपा नेपालको अधिवेशन भदौ अन्तिम साता

छाल खवर धरान,२१ साउनः जनता समाजवादी पार्टीको प्रदेश १ अधिवेशन भदौ अन्तिम सा ...

Copyright © 2020 / 2025 - Chhalkhabar.com All rights reserved

Website By : Hash Tech Logic