सुनाखरीकी छात्रा वर्षा कराते च्याम्पियनसिपमा भाग लिन भुटान प्रस्थान

छाल खवर
धरान, २२ असारः सुनाखरी एकेडेमी धरान–१२ले छात्रा वर्षा राई भुटानको राजधानी थिम्पुमा हुने ८ औ दक्षिण एशियाली कराते च्याम्पियनसिपमा भाग लिन बिहिवार भुटान प्रस्थान गरेकीछिन् ।

स्कुलले एक कार्यक्रमकावीच बर्षालाई बिदाई गरेको थियो ।

स्कुलका प्रिन्सिपल मिलन कुमार राई, निर्देशक प्रदिप राई र प्लस टु कोअर्डिनेटर टप कुमार राईले अबिर खदा लगाएर जितको शुभकामना दिदै बर्षालाई बिदाई गरेका थिए ।

स्कुलले दिएको जानकारी अनुसार बर्षाले ज्येष्ठ २१ गतेदेखि २३ गतेसम्म काठमाडौमा भएको ५६ औ राष्ट्रिय कराते प्रतियोगितामा स्वर्ण पदक प्राप्त गरि भुटानमा हुने प्रतियोगिताका लागि छनोट भएकी थिइन।

आगामी जुलाई १३ देखि २० गते सम्म दक्षिण एशियाली कराते प्रतियोगिता हुने भएको छ।

बर्षाले सुनाखरी एकेडेमी बाटै २०८० को एईई दिएर कक्षा–११ मा अध्ययनका लागि प्रबेश परीक्षा दिई सकेकी छिन। करातेमा अब्बल बर्षालाई सुनाखरीले प्लस टु अध्ययनका लागि बिशेष सुबिधा प्रदान गर्ने प्रिन्सिपल राईले जानकारी दिए।

प्रबेश परीक्षा सम्पन्न

यसैबीच सुनाखरी एकेडेमीले एसईई उत्तीर्ण गरि कक्षा–११ मा अध्ययन गर्नका लागी बिहिवार नै प्रबेश परीक्षा लिएको छ।

प्रिन्सिपल राईले प्रबेश परीक्षामा बिद्यार्थीहरुको उत्साहजनक उपस्थिति रहेको बताउदै ठिक्क संख्यामा बिद्यार्थी राख्ने र गुणस्तरीय शिक्षा प्रदान गर्ने उल्लेख गर्नुभयो ।

सुनाखरी एकेडेमीमा प्लस टु तर्फ होटलमेनेजमेन्ट र कम्प्युटर साइन्स पढाई हुने गरेको छ ।