भारतको स्वतन्त्रता दिवसको अवसरमा नेपाल–भारत मैत्री संघद्वारा रक्तदान

छाल खवर
धरान,३० साउनः नेपाल–भारत मैत्री संघ सुनसरीद्वारा रक्तदान कार्यक्रम सम्पन्न भएको छ ।

मित्र राष्ट्र भारतको ७८ औं स्वतन्त्रता दिवसको पूर्व सन्ध्यामा संघले सो रक्तदान कार्यक्रमको आयोृजना गरेको हो ।

सो कार्यक्रममा भारतीय राजदुतावास पेन्सन वितरण कार्यालय धरानका प्रभारी अधिकारी मेजर भरत कनौजिया प्रमुख अतिथि रहनु भएको थियो ।

नेपाल रेडक्रस सोसाइटी सुनसरी शाखाको सहकार्यमा आयोजित उक्त रक्तदान कार्यक्रममा ६१ पिण्ट रगत संकलन भएको आयोजक नेपाल भारत मैत्री संघ सुनसरीका कार्यसमिति सदस्य तथा कार्यक्रम संयोजक रामस्वरुप शर्माले जानकारी दिनुभयो ।

बीपी कोइराला स्वास्थ्य विज्ञान प्रतिष्ठानमा उपचारार्थ आउने विरामीहरुका लागि रगतको अभाव हुन थालेपछि रक्तदानको आयोजना गरिएको शर्माले वताउनु भयो ।

कार्यक्रममा वोल्दै प्रमुख अतिथि भारतीय राजदुतावास पेन्सन वितरण कार्यालय धरानका प्रभारी अधिकारी मेजर भरत कनौजियाले आफ्नो लागि गर्वको विषय रहेको वताउदै आफ्नो लागि शौभाग्यको कुरा भएको वताउनु भयो ।

धरानको अफिसमात्र नभएर नेपालको कोशी प्रदेशका १४ जिल्लाका सम्पूर्ण पेन्सनरहरुलाई हेर्ने मात्र नभएर सप्तरी, सिराहा, रामेछाप, जनकपुरका पेन्सनरहरुलाई पनि धरानकै अफिसले सेवा प्रवाह गरिरहेको जानकारी समेत गराउनु भयो ।

भूपूहरुको सेवा प्रदान गर्ने मौका पाएकोमा आफूलाई खुशी लागेको वताउनु भयो ।

नेपाल र भरत एउटै अंग जस्तै भएको र कसैले चाहेर पनि एक अर्काबाट विभाजित गर्न नसक्ने उल्लेख गर्नुभयो ।

उहाले नेपाल भारतवीचमा रोटीबेटीको सम्बन्धका साथै धर्म, संस्कार सबैमा समानता रहेको वताउनु भयो ।
नेपाल भारत मैत्री संघले भारतको ७८ औ स्वतन्त्रता दिवस अन्यत्र पनि यसैगरि सुजनात्मक काम गरेर मनाउन पनि उहाँले आग्रह गर्नुभयो ।

स्वतन्त्रता दिवस भारतमा हर्षोल्लासपूर्ण रुपमा मनाइने गरीएको छ ।

सो अवसरमा आयोजकका तर्फबाट प्रभारी अधिकारी मेजर भरत कनौजिया, एमआइआर रुमका डा स्वामी, सुरक्षा इन्चार्ज सिवि राईलाई मायाँको चिनो प्रदान गरिएको् थियो ।

नेपाल भारत मैत्री संघ सुनसरीका अध्यक्ष सरोज श्रेष्ठको सभापतित्वमा सम्पन्न भएको थियो ।