अनेरास्ववियु क्रान्तिकारीको दोस्रो प्रदेश सम्मेलनको तयारी पुरा

छाल खवर
धरान,२४ भाद्र ः नेकपा (माओवादी केन्द्र) को भातृ संगठन अनेरास्ववियु (क्रान्तिकारी) को दोस्रो कोशी प्रदेश सम्मेलनको तयारी पुरा भएको जनाएको छ ।

क्रान्तिकारीले सोमवार धरानमा पत्रकार सम्मेलन गरी मंगलवार (भोलि)बाट हुन लागेको प्रदेश सम्मेलनको तयारी पुरा भएको जनाएको हो ।

सम्मेलन भोली भाद्र २५ र् २६ गते धरानमा हुनेछ ।

सम्मेलनमा देश अध्यक्ष हेमन्त राईले प्रदेशभरिका १४ वटै जिल्लाका ३० हजार भन्दा बढी संगठित सदस्यहरु मध्येबाट ४५५ जना प्रतिनिधि सहभागी हुने जानकारी दिए ।

धरान १५ स्थित ईजि राईडर होटलमा हुने उद्धघाटनमा नेकपा माओवादी केन्द्रका उपमहासचिव हरिवोल गजुरेलको प्रमुख आतिथ्यतामा हुने भएको छ ।

सुशासन र समाजवादी शिक्षाका लागि हाम्रो आन्दोलन सुदृढ संगठन निर्माणका लागि दोस्रो प्रदेश सम्मेलन भन्ने मुल नाराका साथ प्रदेश भेला हुने अध्यक्ष राईले बताए ।

उनले सम्मेलनमा शैक्षिक मुद्दाका साथै यस राष्ट्रिय मुद्दालाई प्रमुखताका साथ उठाउने बताए । उनले समाजवाद शिक्षा प्रणालीका बारेमा प्रमुख मुद्दा हुने बताए ।

सम्मेलनले ११ सदस्यीय पदाधिकारी सहित ६१ सदस्यीय कमिटी निर्वाचित गर्ने भएको छ् ।

प्रत्यक्ष निर्वाचन प्रणालीका माध्यमबाट नेतृत्व निर्वाचित हुने क्रान्तीकारी अध्यक्ष राईले बताए ।