धरानमा दुई दिने बियर महोत्सव हुँदै

छाल खवर
धरान,१७ असोजः धरानमा पहिलो पटक वियर महोत्सवको आयोजना हुने भएको छ ।

वियरको प्रदशन र प्रवद्धन गर्नको लागि महोत्सवको आयोजना गर्ने लागेको आयोजकले जनाएको छ ।

अल्कोहलको मात्रा रक्सी र वाइनमा भन्दा कम भएकोले बियर ठिक मात्रामा पिउँदा रक्सी, वाइन जस्तो नभएको बुझाउन धरानमा दुई दिने बियर महोत्सव गर्न लागिएको मदिरा व्यवसायी संघ कोशी प्रदेशका अध्यक्ष नविन तामाङले जानकारी दिए ।

कोशी प्रदेशका बियर पारखीहरूका लागि असोज १८ र १९ गते धरान–१५ स्थित होटेल ईजी राइडरमा आयोजना हुने पहिलो प्रदेश स्तरीय बियर महोत्सव भएको सुनसरी उद्योग वाणिज्य संघका अध्यक्ष विजय श्रेष्ठले वताए ।

उत्सवको आयोजना नेपाल मदिरा व्यवसायी महासङ्घ कोशी प्रदेश, धरान मदिरा व्यवसायी सङ्घ र धरान वितरक सङ्घको संयोजनमा सुनसरी उद्योग वाणिज्य सङ्घले गर्ने भएको हो ।

महोत्सवमा विभिन्न सांस्कृतिक कार्यक्रम समेत हुने आयोजकले जनाएको छ ।

पत्रकार सम्मेलनमा दिएको जानकारी अनुसार महोत्सवमा नेपालमा उत्पादित ७ वटा बियर कम्पनीको स्टल हुने महोत्सवका संयोजक नवीन तामाङले बताए ।

उनका अनुसार भिन्न स्वाद भिन्न कम्पनीहरूका फरक फरक ब्रान्डका अल्कोहलको मात्रा फरक फरक भएका बियरहरू एकै स्थानमा बियर पारखीहरूको लागि प्रदर्शन, अवलोकन र टेष्टिङको व्यवस्था गरिने बताइएको छ ।

महोत्स्वमा सिजी ब्रुअरी, टाइगर ब्रुअरी, राज ब्रुअरी, गोर्खा ब्रुअरी, यति ब्रुअरी, याक ब्रईङ, हिमालयन ब्रुअरी कम्पनीहरूबाट उत्पादित बियरहरु स्टलमा राखिने छन् ।

महोत्सवमा लगभग १ लाख सङ्ख्यामा उपभोक्ताहरूले सहभागीता जनाउने बताइएको छ ।

तामाङका अनुसार ‘काठमाडौँपछि धरान दोस्रो बियर पारखीहरू भएको स्थान भएकाले प्रदेश स्तरीय महोत्सव गर्न लागिएको हो ।

नेपालमा उत्पादन तथा विक्री वितरण हुने बियरहरूको प्रदर्शन एवं प्रवर्द्धन हुने र व्यावसायिक विकासमा सहयोग पुर्‍याउने उद्देश्यले महोत्सवको आयोजना गरीएको धरान मदिरा व्यवासायी संघका अध्यक्ष लिलकुमार माझीले वताए ।

महोत्सव मदिरा मात्र नभई सेवनले स्वास्थ्यको लागि फायदाजनक पनि रहेको कुरा तथा बियर कुन विधिबाट बन्छ र कति प्रकारका बियरहरू हुन्छ भन्ने बारे जानकारी गराइने उद्देश्यले पनि महोत्सव आयोजना गरिएको बताए ।

महोत्सवमा विभिन्न प्रकारका खानाका स्टलहरू समेत रहने भएको छ ।