सचेत नागरिक समुह धरान–१७ द्धारा प्रधानमन्त्री दैविक कोषमा २ लाख हस्तान्तरण

छाल खवर
धरान,२१कार्तिक ः तपाईले देउसी भैलो खेलेको पैसा के गर्नुहुन्छ भन्दा धेरैको जवाफ आउन सक्छ वनभोज जाने,घुम्न जाने वा वाडेर लाने । तर यो भन्दा विकुल्ल फरक रहेको छ धरान–१७ को सचेत नागरीक समूहको ।

तिहारमा देउसी खेलेर संकलन गरेको २ लाख रुपैया धरान–१७ का सचेत नागरिक समुहले प्रधानमन्त्री दैविक प्रकोप उद्धार कोषमा हस्तान्तरण गरेको छ ।

समाजका देउसी भैलो कार्यक्रम संयोजक दयाराम थापाले धरान–१७ वडावासीहरुले बाढी पीडितहरुलाई सहयोग गर्न १ दिन देउसी भैलो खेलेर संकलित रकम प्रधानमन्त्री राहत कोषमा जम्मा गरिएको जानकारी दिए ।

कोषको बैक खातामा रकम जम्मा गरेको भौचर सहित धरान १७ का वडाध्यक्ष सुर्यबहादुर भट्टराई (मनोज) ले ईलाका प्रशासन कार्यालय धरानका अधिकृत प्रतिक राईलाई बुधबार समाजले हस्तातरण गरेका थिए ।

अविरल वर्षाका कारण काठमाण्डौं उपत्यका सहित देशका विभिन्न स्थानमा भएको बाढी पहिरो डुबानका प्राकृतिक विपत्तिका पीडितहरूलाई राहतका लागि धरान–१७ वडावासीको तर्फबाट कोषमा जम्मा गरेको संयोजक थापाले बताए ।

एकद्धार प्रणली मार्फत राहत तथा उद्धार कार्य होस भन्ने उदेश्यले कोषमा रकम जम्मा गरिएको संयोजक थापाको भनाई रहेको छ ।

रकम जम्मा गरेको भौचर ईलाका प्रशासन मार्फत प्रधानमन्त्री उद्धार कोषमा पठाउन हस्तान्तरण गरिएको उनको भनाई छ ।

सचेत धराने भन्ने समूह नगरप्रमुख हर्क साम्पाङको समर्थक समूह भएपनि यो समूह भने कोभिडको समयमा गठन भएको समूह हो ।