प्रमुख जिल्ला अधिकारी घिमिरे सम्मानित

छाल खवर
धरान,२३ पुषःः सोलुखुम्बु जिल्लाका प्रमुख जिल्ला अधिकारी अनोज कुमार घिमिरे सम्मानित हुनु भएको छ ।

जिल्लाको शान्ति सुरक्षा मजबुत साथै विकास निर्माणमा महत्वपूर्ण योगदान पुर्याएको भन्दै प्रमुख जिल्ला अधिकारी घिमिरे सम्मानित हुनुभएको हो ।

जिल्लाको खुम्बु पासाङ ल्हामु गाउँपालिका २ सुर्केमा आयोजित ङिम दोर्जी शेर्पा पर्यटन सडकको उद्घाटनको अवसरमा प्रजिअ घिमिरेलाई प्रधानमन्त्री केपी शर्मा ओलीले शनिबार सम्मानित गर्नु भएको थियो ।

घिमिरेले जिल्लाको शान्ति सुरक्षा मजबुद बनाउन , सरकारी निकायमा आर्थिक पारद्शीता, खुम्बु पासाङ ल्हामु गाउँपालिका २ सुर्केसम्म सडक पुराउनका लागि महत्वपूर्ण सहयोग गरेको भन्दै पालिकाले एक समारोहबीच प्रजिअ घिमिरेलाई सम्मान गरेको थियो ।

घिमिरे यस अघि इलाका प्रशासन कार्यालय धरानमा कार्यरत रहनु भएको थियो ।

सम्मानित हुनेमा सोलुका प्रहरी प्रमुख द्वारिका प्रसाद घिमिरे,दुर्गा बक्स गण सल्लेरी, गोरखनाथ गण तथा अमिदमन गण सहित सुरक्षा निकायका प्रमुख एवं खुम्बु पासाङ ल्हामु गाउँपालिकाका निवर्तमान प्रमुख प्रशासकिय अधिकृत र वर्तमान प्रमुख प्रशासकिय अधिकृत, पालिकाका इन्जिनियर तथा प्रवक्ता लाक्पा छिरी लगायतलाई सम्मान गरिएको थियो ।

खुम्बु क्षेत्रमा पहिलो पल्ट सडक पुगेसँगै उद्घाटन कार्याक्रम प्रधानमन्त्री ओली, भौतिक तथा पूर्वाधार मन्त्री देवेन्द्र दाहाल, रक्षा मन्त्री मानवीर राई, राष्ट्रिय सभाका सदस्य सोनाम ग्याल्जेन शेर्पा, कोशी प्रदेशका मुख्यमन्त्री हिक्मत कुमार कार्की लगायतको उपस्थित रहेको थियो ।

मोटरबाटो उदघाटन सङ्गै सो क्षेत्रबाट अरनिको यातायात प्रा।लिले यात्रु बस सेवा सञ्चालन गर्न थालेको छ ।