कालोमेसो दलेको विरोधमा याक्थुङ चुम्लुङको आपत्ति

छाल खवर
धरान,५फागुनः याक्थुङ चुम्लुङ केन्द्रीय समितिले उपाध्यक्ष पदम चेन्जी मावो माथि भएको आक्रमणको घोर आपत्ति जनाएको छ ।

संस्थाका दिलसिं चेम्जोङले सोमवार एक प्रेस विज्ञप्ति जारी गर्दै घटनाको दुःख व्यक्त गरेको हो ।

लोकतान्त्रिक अभ्यासमा वाक स्वतन्त्रता,पक्ष विपक्ष,वादविवाद तथा सहमत, असहमत हुने अधिकार संविधानले नै सुनिश्चित गरेकोमा आफ्नो विचार राखेकै आधारमा कुटपिट र कालोमोसो दल्ने जस्तो गैरसामाजिक कार्य गरेकोमा विज्ञप्तिमा दुःख व्यक्त गरीएको छ ।

आइतवार धरान–९ स्थित एचके मेलोडी क्लवमा संस्थाको पत्रकार सम्मेलन भइरहेको अवस्थामा मुक्कुमलुम बचाउ संयुक्त संघर्ष समितिका आन्दोलनकारीहरुले कार्यक्रम स्थलमै मावोमाथि कुटपिट गर्नुका साथै अभद्र व्यवहार गरेका थिए ।

छलफल वहस र संवादको माध्यमबाट कुनैपनि समस्याको समाधान गर्न सकिने भएकोले त्यसतर्फ अघि वढन सुझाव समेत दिएकाछन् ।

याक्थुङ जातिको मौलिक पहिचान संस्कार संस्कृतिको संरक्षण सम्वद्धन र विकासको लागि सदैव अडीग रहने समेत जनाएको छ ।