सुनसरी थोक तथा डिलर व्यवसायि संघको अध्यक्षमा पवन

छाल खवर
धरान,२५ चैतः सुनसरी डिलर तथा थोक व्यवसायी संघ, धरानको चौंथो साधारण सभाले पवन पोद्धारको अध्यक्षतामा सर्वसम्मत नयाँ समिति चयन गरेको छ ।

सोमवार धरान–१० स्थित होटल ड्रिमल्याण्डमा भएको साधारण सभाले सो समिति चयन गरेको हो ।

समितिको उपाध्यक्ष,सचिव र कोषाध्यक्षमा क्रमस सिताराम आचार्य,अमित अग्रहरी र कुमार शाह निर्वाचित भएकाछन् ।

त्यसैगरी सदस्यहरुमा शैलेश आचार्य,राजेन्द्र शाह,विजय कुमार शाह,रंजित शाह रहेकाछन् ।

निवर्तमान अध्यक्ष मानिक सुरानाको अध्यक्षतामा भएको सो साधारण सभामा सुनसरी क्षेत्र नं. १ का निवर्तमान प्रतिनिधि सभा सदस्य जयकुमार राई प्रमुख अतिथि रहेका थिए ।

कार्यक्रममा उद्योग वाणिज्य संघका पूर्व अध्यक्ष गिरीधारी सापकोटा, परिसंघ कोशी प्रदेशका अध्यक्ष कृष्ण कुमार अग्रवाल लगायतको उपस्थिति रहेको थियो ।

निर्वाचित समितिलाई प्रमुख अतिथि राई लगायतले कार्यकाल सफलताको शुभकामना दिएका थिए ।

प्रमुख निर्वाचन अधिकृत नारायण लिम्वु,निर्वाचन अधिकृतहरु हरी बहादुर कार्की र देवेन्द्र काकी रहेका थिए ।

सर्वसम्मत रुपमा समिति चयन भएको प्रमुख निर्वाचन अधिकृत नारायण लिम्वुले जानकारी दिए ।