लिङथेप कल्याणकारी समितिको वंशावली विमोचन

छाल खवर
धरान,९ वैशाखः लिङथेप कल्याणकारी समिति मादी संखुवासभाको साङधुङ्गेहाङ सेरेङ लिङथेप लिम्बु वंशावली धरानमा मंगलवार विमोचन भएको छ ।

शनिवार धरान–८ स्थित लाङ्घाली सामुदायिक वनको सभा भवनमा सो विमोचन गरीएको हो ।

वंशावलीको विमोचन साङ्धुङ्गे सेरेङ सङ्जुम्भोका अध्यक्ष सेसेमी सेरेङ नाल्वोले गरेका थिए ।

कार्यक्रममा वंशावली प्रकाशनको लागि आर्थिक सहयोग गर्ने, सम्पादनमा रहेर सहयोग गर्ने लगायतका विभिन्न व्यक्तिहरुलाई सम्मान पत्रले सम्मान गरीएको थियो ।

सुवेदार तुलाराम सेरेङ लिङथेपको अध्यक्षतामा भएको सो कार्यक्रममा जय नारायण लिङथेप लगायतको उपस्थिति रहेको थियो ।

लिम्वु समुदाय भित्रको लिङथेप थरको पहिचान अस्तित्व र इतिहासको खोजी गर्नको लागि वंशावली प्रकाशन गरेको लेखक तथा सम्पादनका संयोजक उत्तम कुमार लिङथेपले वताउनु भयो ।

कार्यक्रमको संचालन शशीकुमार लिङथेपले गर्नुभएको थियो भने इन्द्रमान लिङथेपले स्वागत मन्तव्य दिनुभएको थियो ।