सक्षम नेतृत्व आवस्यक रहेको व्यवसायीहरुको भनाई

छाल खवर
धरान,२७ जेठः व्यवसायीहरुको नेतृत्व चयन गर्दा सक्षम व्यक्ति चयन गर्नु पर्ने धरानका व्यवसायीहरुले वताएकाछन् ।

सोमवार साझ होटल ड्रिम ल्याण्डमा आयोजित अन्तरक्रिया कार्यक्रममा व्यवसायीहरुले सो कुरा वताएका हुन ।

कमजोर नेतृृत्व आउदा व्यवसायीहरुको हित र अधिकार प्राप्ति हुन नसक्ने उनीहरुको भनाई रहेको थियो ।

वन पौदावार व्यवसयी राजकुमार निरौलाले सक्षम नेतृत्व आएको खण्डमा मात्र व्यवसायिक अधिकार प्राप्ती हुने वताउनु भयो ।

नाम परिवर्तन गर्ने र मात्र भन्दा पनि उद्योगी व्यवसायीहरुको पिर मर्कामा साथ र अधिकारका लागि लडन सक्ने नेतृत्व चयन आवस्यक रहेको वताउनु भयो ।

त्यसैगरी सुनसरी उद्योग वाणिज्य संघका पूर्व अध्यक्ष अशोक ताम्राकारले संघका सक्षम नेतृत्व आएमात्र संघका गरीमा वढनु साथै माथिल्लो निकायमा पहुच पुग्ने धारणा राख्नु भयो ।

धरान मोवाइल संघका अध्यक्ष जीवन शाक्यले व्यवसायीहरु भोट वैंकको रुपमा मात्र प्रयोग भईरहेको भन्दै चुनाव सकिएसंगै सवैकुरा सकिने गरेको वताउनु भयो ।

उहाले पछिल्लो समय व्यवसायीहरुको थुप्रै समस्याहरु रहेको र ती समस्याहरुसंग जुधन सक्ने सक्षम नेतृत्व आवस्यक रहेको वताउनु भयो ।

होटल एशोसिएशन धरानका अध्यक्ष सरोज भट्टराईले १२ वजेसम्म होटल व्यवसाय संचालन गर्नका लागि दवाव दिन सक्ने क्षमतावान नेतृत्व अवको आवस्यकता रहेको वताउनु भयो ।

कार्यक्रममा उद्योग वाणिज्य संघका पूर्व महासचिव शिवराज श्रेष्ठले संघमा सक्षम नेतृत्व चयन भएमात्र व्यवसायिको हितका काम हुने वताउनुभयो ।
यो निर्वाचनमा उद्योगी व्यवसायीहरुले निरन्तरता भन्दा पनि परिवर्तन चाहेको श्रेष्ठको भनाई रहेको थियो ।