धरान–धनकुटा सडकखण्ड पहिरोले अवरुद्ध, हिले–पाख्रिबास–लेगुवा खण्ड पनि बन्द

छाल खवर
धरान,१९असोज ः दुइदिन देखि जारी अविरल वर्षाको कारण धरान–धनकुटा सडकखण्ड पहिरोले अवरुद्ध भएको छ ।

धनकुटाको मुलघाट र नमस्ते झरना नजिक पहिरो र लेदो माटो थुप्रिएकाले सवारी आवागमन बन्द भएको हो ।

धनकुटा प्रहरीले दिएको जानकारी अनुसार धरानबाट धनकुटातर्फ जाँदै गरेका केही सवारी साधन धरानतर्फ नै फर्किएका छन् ।
डोजर प्रयोग गरी सडक खुलाउने प्रयास भइरहेको प्रहरीले जनाएको छ ।

मध्यपहाडी लोकमार्गअन्तर्गत हिले–पाख्रिबास–लेगुवा सडकखण्डमा समेत क्षति पुगेकाले त्यहाँसमेत सवारी आवागमन बन्द छ ।

सडक अवरुद्ध भएपछि धरानबाट धनकुटा तेह्थुम,भोजपुर र संखुवासभा चल्ने यातायात पूर्ण रुपमा वन्द भएको छ ।