वालाहाङ सुनाहाङ किरात राई उत्थान समाजद्धारा तीन सम्मानित

छाल खवर
धरान,१६ कार्तिक ः वालाहाङ सुनाहाङ किरात राई उत्थान समाज केन्द्रीय समिति हतुवागढी भोजपुरले संस्थामा उत्कृष्ट कारोवार गर्ने तीनजनालाई सम्मान गरेको छ ।

क्षेत्रीय कार्यालय धरानमा शनिवार आयोजित १० औं साधारण सभका अवसरमा समाजले सो सम्मान गरेको हो ।

सम्मानित हुनेहरुमा समाजका सदस्य बराहक्षेत्र नगरपालिका वडा नं. १ झण्डाचोकका नेत्रप्रसाद वालाहाङ राई,इटहरी–१९ का भानुभक्त वालाहाङ राई र चेली सदस्य बराहक्षेत्र नगरपालिका वडा नं.१ लालवस्तिकी देवीमाया राई रहेकाछन् ।

संस्थाले आयोजना गरेको आन्तरीक वचत कारोवारमा उत्कृष्ठ कारोवार गरेको भन्दै उनीहरुलाई सम्मान गरीएको समाजका सचिव कृपाल सिंह वालाहाङ राईले वताउनु भयो ।

उत्कष्ठ कार्य गर्नको लागि अरुलाई पनि प्रोत्साहन होस भन्ने उदेश्यले जनही ५ हजारका दरले नगद सहित सम्मान पत्रले सम्मान गरीएको सचिव राईले वताउनु भयो ।

समाजको केन्द्रीय कार्यालय भोजपुरमा भएपनि सवैलाई सहज हुने भएकोले धरानमा आयोजना गरीएको सचिव राईको भनाई रहेको छ ।

शेर बहादुर वालाहाङ राईको सभापतित्वमा भएको सो कार्यक्रमको प्रमुख अतिथि मान बहादुर खाम्लुङ रहेका थिए ।