छाल खवर
धरान,४ फागुनः हिबिस्कस इङलिस बोर्डिङ स्कुलले आफ्नो सामाजिक दायित्वअन्तर्गत बराहक्षेत्र–८ स्थित कोशि मा.बि.मा अध्ययनरत कक्षा १ देखि ५ सम्मका विद्यार्थीहरुलाई सोमबार स्टेशनरी सामग्री वितरण गरेको छ।
विद्यालयमै पुगेर हिबिस्कस बाल क्लबका विद्यार्थीहरुले करिब २५ हजार रुपैयाँ बराबरको शैक्षिक सामग्री हस्तान्तरण गरेका हुन् ।
विद्यालयका प्रबन्ध निर्देशक गङ्गाराम राईका अनुसार विद्यार्थीहरुले आफ्नो खाजा खर्च कटाएर थोरै–थोरै रकम संकलन गरेका थिए। उक्त अभियानमा अभिभावकहरुको समेत सहयोग प्राप्त भएको उनले जानकारी दिए।
सानै उमेरदेखि विद्यार्थीहरुलाई सामाजिक कार्यमा सहभागी गराई समाजप्रति उत्तरदायी बनाउने उद्देश्यले सामग्री वितरण गरिएको राईले बताए।
कार्यक्रममा कोशी मा।बि।की सहायक प्रधानाध्यापक लक्ष्मी राईले हिबिस्कसका विद्यार्थीहरुको सहयोग सराहनीय भएको उल्लेख गर्दै विद्यालय परिवारको तर्फबाट धन्यवाद व्यक्त गरिन् ।
हिबिस्कसका विद्यार्थी आस्था उदास र आदित्य झाले सहयोग गर्न पाएकोमा खुशी व्यक्त गरेका थिए ।
विद्यालयले सामाजिक उत्तरदायित्वअन्तर्गत आगामी दिनमा पनि यस्ता रचनात्मक कार्यक्रमलाई निरन्तरता दिने जनाएको छ।कार्यक्रमको सम्योजन शिक्षक सुबास मोक्तानले गरेका थिए।
Copyright © 2020 / 2026 - Chhalkhabar.com All rights reserved
Website By : Hash Tech Logic
