धरान १० के रनको तयारी पुरा मुख्य प्रायोजक गोफी क्लोदिङ ब्राण्ड रहने प्रतियोगिता फागुन ९ गते

छाल खवर
धरान,६ फागुन ः नेपाल कै ठूलो दौड प्रतियोगिताको रुपमा रहेको धरान रनको तयारी पुरा भएको आयोजकले जनाएको छ ।

आयोजक नेवाः च्यारिटीले वुधवार पत्रकार सम्मेलन गरी सो विषयमा जानकराी गराएको हो ।

धरान रन समुहद्धारा बुधवार आयोजित पत्रकार सम्मेलनमा समूहका अध्यक्ष हेमन सुनुवारले उक्त जानकारी दिएका हुन । प्रमुख प्रयोजक रहेकाले प्रतियोगिताको नाम गोफी धरान १० के रन नेवाः च्यारिटी रहेको छ ।

‘शिक्षाका लागि दौड’ भन्ने नारा सहित १४ औँ संस्करणको सबै तयारी पूरा भएको जानकारी दिँदै अध्यक्ष हेमनले दौड प्रतियोगिता फागुन ९ गते हुने घोषणा गरेका छन् ।
यसपाली पहिलो पटक दौडमा सहभागी सम्पूर्ण धावक–धाविकालाई १ लाख सम्मको एक दिने स्वास्थ्य बिमा प्रदान गरिएको बताइएको छ ।

यसपाली प्रतियोगितामा ३ हजार ५०० जनासम्म धावक–धाविकाको सहभागी हुने अपेक्षा गरिएको छ ।

यसपाली युके रनका धावक–धाविकासहित करिब २५ जना विदेशी धावक–धाविका सहभागी हुने बताइएको छ । फागुन ९ गते नै भर्चुअल रनमा करिब ३०० जनाले सहभागिता जनाउने भएका छन् ।

१४औँ संस्करणमा खुल्ला वर्ग, विभिन्न उमेर समूह, भेट्रान, सुपर भेट्रान, व्हिलचेयर तथा स्थानीय धावक–धाविकाका लागि प्रतिस्पर्धात्मक दौड र आकर्षक पुरस्कार व्यवस्था गरिएको छ ।

दौडको ठिक समय मापनका लागि ‘चिप टाइमिङ सिस्टम’ प्रयोग गरिनेछ । धरान रन समूहले नेपालमै ११औँ संस्करणदेखि चिप प्रणाली प्रयोग गर्दै आएको हो ।

वडाध्यक्ष रनिङ दौडमा धरानका वडाध्यक्षहरूको सहभागिता रहनेछ भने प्रथमलाई शिल्ड पुरस्कार प्रदान गरिने आयोजकले जनाएको छ । यसपाली ५ जना वडा अध्यक्षहरूले सहभागिता जनाउने भएका छन् ।

सहभागी हुने वडाध्यक्षहरूमा धरान १० का विवेक राई, धरा १८ का वडा अध्यक्ष प्रवीण राई, धरान १६ का वडा अध्यक्ष मुरारी भट्टराई र धरान ४ वडा अध्यक्ष धनबहादुर राई रहने बताइएको छ ।

१० किलोमिटर दौडको रुट पुतली लाइनबाट सुरु भएर रागाचोक कल्याणचोक मंगलवारे आपगाछी रंगशाला जिरोप्वाइन्ट हात्तिसार क्याम्प्स विजयपुर पिण्डेश्वर मन्दिर हुदै पुरानो वजार भएर भानु चौकमा समापन हुनेछ ।

प्रतियोगितामा १६ वर्ष माथिका ३९ वर्ष सम्मका विजेताले जनही नगद ६० हजार, दोस्रोले ४० हजार र तेस्रोले ३० हजार, मेडल र प्रमाणपत्र प्राप्त गर्नेछन् । १२ देखि १५ वर्ष भित्रका ‘यु–१५’ समूह, ४९ देखि ५९ वर्ष सम्मको ‘मिड भेट्रान’ समूहका, सुपर भेट्रान महिला पुरुष विजेताले जनही नगद ७ हजार, ५ हजार, ३ हजार, मेडल र प्रमाण–पत्र पाउने छ ।

४० देखि ४९ वर्ष सम्मको ‘भेट्रान’ समूहका महिला पुरुष विजेताले जनही नगद १० हजार, ७ हजार, ५ हजार, मेडल र प्रमाण–पत्र पाउने छ । ६० वर्ष माथिका ‘सुपर भेट्रान’ समूहका महिला पुरुष विजेताले नगद ५ हजार, मेडल र प्रमाण–पत्र पाउने छन् ।

धरान १० के रन अन्तर्राष्ट्रिय खुल्ला दौड प्रतियोगिताको १४ औँ संस्करण देखी स्पोर्ट सामाग्रीको उत्पादन गोफि क्लोदिङ ब्राण्ड प्रमुख प्रायोजक रहने भएको छ ।