धरान १० के रनको उपाधि नरेन्द्र सिंह रावत र सन्तोषी श्रेष्ठलाई

छाल खवर
धरान, ९ फागुनः धरानको प्रतिष्ठित दौडको रुपमा रहेको धरान १०के रनको उपाधि पुरुषतर्फ नरेन्द्र सिंह रावत र महिलातर्फ सन्तोषी श्रेष्ठले हात पार्न सफल भएकाछन् ।
१० किलोमिटर दूरी रावतले ३१ मिनेट ५१ सेकेण्डमा पूरा गर्दै पहिलो स्थान सुरक्षित गरे भने श्रेष्ठले ३७ मिनेट ३७ सेकेण्डमा दौड पूरा गर्दै महिलातर्फ उपाधि हात पार्न सफल वनेकी थिइन । विजेता दुबैलाई जनही नगद ६० हजार रुपैयाँ प्रदान गरिएको आयोजकले जनाएको छ।

पुरुषतर्फ जुलियस मर्युकी ३१ मिनेट ५८ सेकेण्डमा दूरी पार गर्दै दोस्रो भए भने महिलातर्फ पुष्प सेर्मा ४१ मिनेट ४४ सेकेण्डसहित दोस्रो भइन्। उनीहरुलाई जनही ४० हजार रुपैयाँ नगद पुरस्कार प्रदान गरियो।

त्यसैगरी, पुरुषतर्फ अमिर लिम्बुले ३२ मिनेट ५० सेकेण्ड र महिलातर्फ प्रिया क्षेत्रीले ४२ मिनेट ३ सेकेण्डमा दौड पूरा गर्दै तेस्रो स्थान हासिल गरे। उनीहरुलाई जनही ३० हजार रुपैयाँ नगद, ट्रफी र मेडल प्रदान गरिएको धरान रन का संस्थापक सन्तोष राईले जानकारी दिए।

आज बिहान ७स्३० बजे पुतली लाइन बाट सुरु भएको दौड देशी लाइन, पुरानो बजार, पिण्डेश्वर मन्दिर, विजयपुर चौक, हातिसार क्याम्पस, रेडक्रस भवन, अमरहाट कभर्ड हल, जिरो प्वाइन्ट, जानकी चोक, धरान रंगशाला, गणेशमान चौक, कल्याण चौक, मंगलबारे, रत्न चौक, दुर्गा चोक हुँदै पुनः पुतली लाइन र भानुचौकमा पुगेर समापन भएको थियो।

प्रतियोगितामा ४ हजारभन्दा बढी धावक–धाविकाको उत्साहजनक सहभागिता रहेको आयोजकले जनाएको छ। खेलकुदमार्फत स्वास्थ्य र एकताको सन्देश फैलाउँदै धरान १०के रनले शहरमा उत्सवको माहोल सिर्जना गरेको छ।

प्रतियोगिताले धरानलाई छुट्टै पहिचान दिन सफल भएको वताउदै धरानका युवा युवति स्वास्थ्यमा सचेत रह्ेको आयोजक धरान रनका अध्यक्ष हेमन सुनुवारले वताए ।

सवैको सहयोगको कारण नै प्रतियोगिताले सफलता पाउदै आएको अध्यक्ष सुनुवारको भनाई रहेको छ ।
शिक्षाका लागि दौड भन्ने नाराका साथ धरानका दौड प्रतियोगिता संचालन हुदै आएको छ ।