एक्वा वोडिङ स्कुलकका विद्यार्थीहरुलाई विदाई

छाल खवर
धरान,७ चैतः एक्वा सेकेण्डरी इङ्लिस स्कुल  धरान–१७ ले कक्षा १० पास गरी स्कुलबाट उच्च शिक्षाका लागि जान लागेका विद्यार्थीहरुलाई विभिन्न कार्यक्रम गरी विदाई गरेको छ ।

स्कुलबाट कक्षा १० को सेन्ट अप परिक्षा पास गरी एसईई दिन लागेका विद्यार्थीहरुलाई शनिवार एक कार्यक्रमको आयोजना गरी विदाई गरेको हो ।

उक्त कार्यक्रममा कक्षा ९ मा अध्ययनरत विद्यार्थीहरुले विदाइ कार्यक्रम आयोजना गरेका थिए ।

कार्यक्रममा वोल्दै शिक्षक प्रितिराज राइले विदाई भौतिक शरीर मात्र टाढा हुने वताउदै स्थापित सम्बन्ध सधैं अमर रहने बताए ।

कार्यक्रममा विद्यालय निर्देशक अनिस राईले कक्षा १० का विद्यार्थीहरुलाई आगामी एस.ई.ई.२०८२ मा उत्कृष्ट ग्रेट सहित उत्कृष्ट नतिजा ल्याउन सफल हुन शुभकामना दिएका थिए । कार्यक्रममा विभिन्न कविता,गीत तथा नृत्य प्रस्तुत गरी विद्यार्थीहरुले मनोरन्जन प्रदान गरेका थिए ।

कार्यक्रमको सञ्चालन कक्षा ९ कि प्रतिज्ञा राईले गरेकी थिइन भने मन्तव्य कक्षा ९ की खुशी वि.क.ले गरेकी थिइन । कक्षा १० की सृष्टी राईले स्कुलमा रहदाको आफ्नो अनुभव सुनाएकी थिइन ।