सोमवार एकै दिन ३ सय १४ जना संक्रमित थपिए,देशभर ३हजार ७ सय ६२ पुग्यो कोरोना

सोमवार, जेष्ठ २६, २०७७
जेष्ठ २६ काठमाण्डौं । सोमवार ३ सय १४ जनामा कोरोना देखिएको स्वास्थ्य मन्त्रालयले जनाएको छ ।
जस मध्ये २ सय ९४ पुरुष रहेका छन् भने अन्य महिला छन् ।

बिराटनगर, धरान, जनकपुर लगायत देशभर २१ वटा प्रयोगशालामा परीक्षण गर्दा ती संक्रमितहरु देखिएका हुन् । यो सगै कुल संक्रमितको संख्या ३७ सय ६२ पुगेको छ ।

मन्त्रालयका प्रवक्ता डा जागेश्वर गौतमका अनुसार सोमवारविभिन्न प्रयोगशालामा गरिएको परीक्षणमा क्रममा ३१४ जनामा सङ्क्रमण देखिएको छ । तीमध्ये २९४ जना पुरुष र २० जना महिला रहेका छन् । थप सङ्क्रमितसँगै जम्मा सङ्क्रमितको सङ्ख्या तीन हजार ७६२ जना रहेको छ ।

यसमा पुरुषको सङ्ख्या तीन हजार ५०६ र महिला २५६ रहेका छन् ।
स्वास्थ्य मन्त्रालयले आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले संक्रमितको संख्या ३ हजार ७६२ पुगेको जनाए । डा। गौतम मन्त्रालयका नवनियुत्तः प्रवक्ता हुन् । कोरोनाबाट १४ जनाको मृत्यु भएको छ भने आज सम्म ४ सय ८८ जना डिस्चार्ज भएका छन् ।