सर्दु खोलाको पुल सञ्चालनमा विष्णुपादुकावासीमा खुशीयाली छायो

छाल खवर
साउन,१० धरान ःसाविक विष्णुपादुकावासीको वषौदेखिको सपना शनिवारबाट पुरा भएकोमा हर्षले गदगद मात्रै छैनन् सपना नै साकार भएकोमा गौरावान्दित वनेकाछन् ।

वर्षेनी वर्षायाममा सर्दुको वाढीबाट वषौसम्म पीडित वनेका विष्णुपादुकावासीको शनिवारबाट खोलामाथिको पुलबाट हिडने सपना पुरा भएको छ ।

साविक विष्णुपादुका र हाल धरान उपमहानगरपालिका वडा न. २० र वडा नं ११ को सिमाना पर्ने सर्दु खोलामा निर्माण भएको पक्की पुल सञ्चालनमा आएपछि उनीहरुको वषौंदेखिको पुलको सपना पुरा भएको हो ।

विष्णुपादुकाबासीहरुले बर्षादको बेला धेरै दुःख भोगिरहेकोले जनताको आवस्यकताको लागि पुल सञ्चालनमा ल्याइएको वडा नं २० का अध्यक्ष मणीराम राईले जानकारी दिनुभयो । उहाले विष्णुपादुकाबासीहरुले वषौंदेखि भोग्दै आएको वाढीको पीडाबाट मुक्ति पाएको भन्दै खुशी समेत व्यक्त गर्नुभयो ।

उहाले सर्दुले धेरैको तरकारी, सामान, मोटरसाइकल समेत बगाउने गरेको र सामान वोक्ने गाडी पनि फसेर हैरान वनाउने गरेको अनुभाव समेत सुनाउनु भयो ।

पूर्व गाविस अध्यक्ष समेत रहनुभएका राईले गाविस हुँदादेखि त्याहा पुलको आवश्यकता महसुस भएको भएपनि अहिले पुरा भएको उल्लेख गर्नुभयो । कागजमा केहि वर्षअघि देखि जोडिएपनि भुगोलको हिसावले भने धरानसंग वल्ला जोडिन पाएको र यसबाट धरान २० लाई ठूलो राहत मिलेको दावी समेत गर्नुभयो ।

पुललाई औपचारीक रुपमा उद्घाटन गर्नको लागि समय लाग्ने भएकोले विष्णुपादुकावासीहरुको विशेष पहलमा पुललाई अनौपचारीक रुपमा उद्घाटन गरीएको स्थानीयवासी विजय लामाले वताउनुभयो ।

धरान–११ का अध्यक्ष बाबुलाल लामाले बर्षा लागेपछि २० नं.वडाका विद्यार्थीहरुहरुलाई खोलाले बगाउछ कि भन्ने चिन्ताबाट पनि मुक्ति पाएको बताउनुभयो ।

विष्णुपादुकाका युवा समाजसेवी सम्फर तामाङले पुल निर्माणले वर्षौदेखिको पुलबाट हिडन पाउने सपना पुरा भएको वताउनुभयो ।

विष्णुपादुका क्षेत्रका बासिन्दहरु शिक्षा, स्वास्थ्य र व्यापारीक हिसावले पनि धरान बजार धाउनुपर्ने बाध्यता छ । पुल बनेपछि धरान ११ मंगलबारे चोक हुदै विष्णुपादुकाको भञ्ज्याङ निस्कने र त्याहाबाट धनकुटाले आहाले महाभारा क्षेत्रमा आवाजत जावतमा समेत सहज भएको छ ।

पुल स्वीस सरकारको ८ करोड ३२ लाख लागत सहयोगमा निर्माण भएको हो ।
अव विष्णुपादुका आवात जावत गर्नको लागि सहज भएको छ । प्रसिद्ध धार्मिक स्थल विष्णुपादुका मन्दिर जान आउन समेत सहज भएको छ । यसबाट धार्मिक पर्यटनमा समेत टेवा पुग्ने अपेक्षा गरीएको छ ।