धरानमा फेरी लकडाउन शुरु खाद्यान्न र औषधीको पसल मात्र खोल्न दिने निर्णय

छाल खवर
धरान,१५ साउन ः समुदायमा कोरोना संक्रमणको जोखिम न्युनीकरण गर्न धरानमा फेरी लकडाउन शुरु भएको छ ।

विहिवार बसेको बैठकले बिहान ९ बजेदेखि ५ बजेसम्म अत्यावश्यक वस्तुको पसल मात्र खोल्न दिने निर्णय भएको नगरपालिकाका प्रशासकिय अधिकृत गणेशप्रसाद खतिवडाले जानकारी दिएकाछन् ।

प्रमुख जिल्ला अधिकारी, प्रहरी प्रमुख, चिकित्सक, राजनीतिक दल सहितको बैठकले यस्तो निर्णय गरेको हो । उक्त समयमा पनि अत्यावश्यक वस्तु अन्र्तगत खाद्यान्न, तरकारी र औषधीको पसल मात्र खोल्न दिइने निर्णय भएको खतिवडाको भनाई रहेको छ ।

धरानमा समुदायस्तरमा पनि कोरोना संक्रमण फैलिएको हुनसक्ने आशंका बढेकोले बैठकले यस्तो निर्णय गरेको हो । होटलहरुले प्याकिंग गरेर बिक्री गर्न दिने तर होटल, रेष्टुरेष्टमा नै बसेर खान नदिने पनि निर्णय भएको छ ।

निर्णय (शुक्रबार) देखि लागु हुने वरिष्ठ अधिकृत खतिवडाले जानकारी दिए । अन्य पसलहरु भने वन्द रहने भएकाछन् ।