प्रदेश १ सभामुख होम क्वारेन्टाइनमा

छाल खवर
धरान, १५ साउन ः प्रदेश नं.१ का सभामुख प्रदीपकुमार भण्डारी विहिवारदेखि होम क्वारेन्टाइनमा बस्नु भएको छ ।

परिवारका एक सदस्यलाई कोरोना पोजेटिभ देखिएपछि विहिवारदेखि सभामुख भण्डारी होम क्वारेन्टाइनमा वस्नु भएको हो ।

विपी कोइराला स्वास्थ्य विज्ञान प्रतिष्ठानमा स्वाब परीक्षण गर्दा परिवारका सदस्यलाई कोरोना पोजेटिभ देखिएको थियो ।
परिवारका सदस्यलाई ज्वरो आउने वितिक्कै सभामुख भण्डारी घरैमा अलग्गै क्वारेन्टाइनमा बस्न थाल्नु भएको स्रोतले जनाएको छ ।

सभामुख भण्डारी सहित परिवारका बाँकी सदस्यहरुको बुधबार स्वाब संकलन गरिएको थियो । उनको स्वाब परीक्षणको रिपोर्ट बिहिबार नेगेटिभ आएको सभामुख भण्डारीको सचिवालयले जनाएको छ ।